൨൨. ക്വചേ

ക്വചിസദ്ദസ്സ പയോഗനിയമനത്ഥോ ‘‘പരോ ക്വിചീ’’തി (൧-൨൭) ഏത്ഥ വുത്തനയേന വേദിതബ്ബോ. അവിസേസേന ഉദാഹരണേപീതി പരേസം വിയ ‘‘ഛായാ’’തി (൨-൨-൭൩) സുത്തയിത്വാ വികപ്പേന ‘(കുഡ്ഡച്ഛായ) കുഡ്ഡച്ഛായാതി ച ‘‘ബാഹുല്ലേ’’തി (ചം, ൨-൨-൭൪) സുത്തയിത്വാ നിച്ചം ‘ഉച്ഛുച്ഛായം സലഭച്ഛായ’ന്തി ച നോദാഹരിത്വാ സാമഞ്ഞേന ‘സലഭച്ഛായം സകുന്തച്ഛായ’ന്തി ഉദാഹരണേ ദസ്സിതേപി. അഞ്ഞത്ഥാതി ബഹുലഭാവതോ അഞ്ഞത്ഥ. വിഗ്ഗഹസമത്തസ്സാതി വിഗ്ഗഹസാമഞ്ഞസ്സ, യഥാസമ്ഭവന്തി പാസാദസ്സ ഛായാഇച്ചാദിനാ സമ്ഭവാനതിക്കമേന, സദ്ദാതി സദ്ദതോ പരായ.