ອຘິກຣຓປຈ຺ຈຍກຖາວຓ຺ຓນາ
໒໘໕. ວິວາທາຘິກຣຓມ຺ຫາຕິ ‘‘ອຘມ຺ມໍ ‘ຘມ຺ໂມ’ຕິ ທີເປຕີ’’ຕິອາທິນຍປ຺ປວຕ຺ຕາ ອຏ຺ຐາຣສເຠທກຣວຕ຺ຖຸນິສ຺ສິຕາ ວິວາທາຘິກຣຓມ຺ຫາ.
໒໘໖. ອຸປສມ຺ປນ຺ນໍ ໂອມສໂຕ ຠິກ຺ຂຸສ຺ສ ປາຈິຕ຺ຕິ ໂຫຕີຕິ ໂຍຊນາ.
໒໘໗. ອນຸວາທາຘິກຣຓປຈ຺ຈຍາຕິ ໂຈທນາປຣນາມເຘຍ຺ຍໍ ອນຸວາທາຘິກຣຓເມວ ປຈ຺ຈໂຍ, ຕສ຺ມາ, ອນຸວາທນາຘິກຣຓເຫຕູຕິ ອຕ຺ໂຖ.
໒໘໙. ‘‘ຕຖາ’’ຕິ ອິມິນາ ອມູລກຕ຺ຕໍ ອຕິທິສຕິ.
໒໙໐. ອາປຕ຺ຕິປຈ຺ຈຍາຕິ ອາປຕ຺ຕາຘິກຣຓປຈ຺ຈຍາ.
໒໙໓. ກິຈ຺ຈາຘິກຣຓປຈ຺ຈຍາຕິ ອປໂລກນາທິຈຕຸພ຺ພິຘກມ຺ມສງ຺ຂາຕກິຈ຺ຈາຘິກຣຓເຫຕຸ.
໒໙໔. ອຈ຺ຈຊນ຺ຕີວາຕິ ອຕ຺ຕໂນ ລທ຺ຘິໍ ອປຣິຈ຺ຈຊນ຺ຕີ ເອວ.
໒໙໗. ປາປິກາຍ ທິຏ຺ຐິຍາ ປຣິຈ຺ຈຊນຕ຺ຖາຍ ກຕາຍ ຍາວຕຕິຍກໍ ສມນຸຠາສນາຍ ຕໍ ທິຏ຺ຐິໍ ອຈ຺ຈຊນ຺ຕິຍາ ຕສ຺ສາ ຠິກ຺ຂຸນິຍາ, ຕສ຺ສ ຠິກ຺ຂຸສ຺ສ ຈ ອຈ຺ຈຊໂຕ ປາຈິຕ຺ຕິ ໂຫຕີຕິ ໂຍຊນາ.
ອິຕິ ອຸຕ຺ຕເຣ ລີນຕ຺ຖປກາສນິຍາ
ອຘິກຣຓປຈ຺ຈຍກຖາວຓ຺ຓນາ ນິຏ຺ຐິຕາ.