ໂລກາຍຕກຖາ

໔໗. ໂລກາຍຕກຖາຍໍ ໂລກິຍນ຺ຕິ ປຕິຏ຺ຐຫນ຺ຕິ ປຸຎ຺ຎາປຸຎ຺ຎານິ ຕພ຺ພິປາໂກ ຈາຕິ ໂລໂກ, ສຕ຺ຕໂລໂກ. ອາຠຸໂສ ຍຕນ຺ຕິ ວີຣິຍໍ ກໂຣນ຺ຕິ ເອຕ຺ຖາຕິ ອາຍຕໍ, ໂລກສ຺ສ ອາຍຕໍ ໂລກາຍຕໍ, ສຕ຺ຕານໍ ຠຸໂສ ວີຣິຍກຣຓຏ຺ຐານນ຺ຕ຺ຍຕ຺ໂຖ. ກິໍ ຕໍ? ຕິຕ຺ຖິຍສຕ຺ຖໍ. ສພ຺ພໍ ອຸຈ຺ຉິຏ຺ຐໍ, ກສ຺ມາ? ສກຸຓາທີຫິ ປຣິຠຸຕ຺ຕປຸພ຺ພຕ຺ຕາ. ສພ຺ພໍ ອນຸຈ຺ຉິຏ຺ຐໍ ອິມສ຺ສ ອວເສສໂຠຊນສ຺ສ ເກນຈິ ອປຣິຠຸຕ຺ຕປຸພ຺ພຕ຺ຕາ. ເສໂຕ ກາໂກ ອຏ຺ຐິສ຺ສ ເສຕຕ຺ຕາ, ກາໂຬ ພໂກ ປາທສ຺ສ ກາຬຕ຺ຕາຕິ. ນຕ຺ຖິ ອຕ຺ໂຖ ເອຕ຺ຖາຕິ ນິຣຕ຺ຖກໍ, ນິຣຕ຺ຖກເມວ ກາຣຓໍ ນິຣຕ຺ຖກກາຣຓໍ. ເຕນ ປຏິສໍຍຸຕ຺ຕໍ ນິຣຕ຺ຖກກາຣຓປຏິສໍຍຸຕ຺ຕໍ. ຕຣນ຺ຕິ ເອຕ຺ຖາຕິ ຕິຕ຺ຖໍ, ປຏ຺ຏນໍ. ຕິຕ຺ຖໍ ວິຍາຕິ ຕິຕ຺ຖໍ, ລທ຺ຘິ, ຕໍ ເອເຕສໍ ອຕ຺ຖີຕິ ຕິຕ຺ຖິຍາ, ວິປຣີຕທສ຺ສນາ. ສາສນ຺ຕິ ອຕ຺ຕໂນ ສາວເກ ເອຕ຺ຖາຕິ ສຕ຺ຖໍ, ຕິຕ຺ຖິຍານໍ ສຕ຺ຖໍ ຕິຕ຺ຖິຍສຕ຺ຖໍ. ນ ຕິຣຈ຺ຉານວິຊ຺ຊາ ປຣິຍາປຸຓິຕພ຺ພາຕິ ເອຕ຺ຖ ຕິຣຈ຺ຉານວິຊ຺ຊາ ນາມ ຍາ ກາຈິ ພາຫິຣກາ ອນຕ຺ຖສຎ຺ຫິຕາ. ນ ປຣິຍາປຸຓິຕພ຺ພາຕິ ອຕ຺ຕນາ ນ ປຣິຍາປຸຓິຕພ຺ພາ. ນ ວາເຈຕພ຺ພາຕິ ປເຣສໍ ນ ວາເຈຕພ຺ພາ. ເສສໍ ສຸວິຎ຺ເຎຍ຺ຍເມວ.