ຄຸຬກຖາ

ຄຸຬກຖາຍໍ ‘‘ອນຸຊານາມິ, ຠິກ຺ຂເວ, ຄິລານສ຺ສ ຄຸຬໍ, ອຄິລານສ຺ສ ຄຸໂຬທກ’’ນ຺ຕິ (ມຫາວ. ໒໘໔) ວຈນໂຕ ຄິລາໂນ ຠິກ຺ຂຸ ຄຸຬປິຓ຺ຑໍ ວິກາເລປິ ຂາທິຕຸໍ ວຏ຺ຏຕິ. ອຄິລາໂນ ປນ ອຸທກສມ຺ຠິນ຺ນໍ ກຕ຺ວາ ຄຸໂຬທກປຣິໂຠເຄນ ປຣິຠຸຎ຺ຊິຕຸໍ ວຏ຺ຏຕິ. ‘‘ຄິລານສ຺ສ ຄຸຬນ຺ຕິ ຕຖາຣູເປນ ພ຺ຍາຘິນາ ຄິລານສ຺ສ ປຈ຺ຉາຠຕ຺ຕໍ ຄຸຬໍ ອນຸຊານາມີຕິ ອຕ຺ໂຖ’’ຕິ ອຏ຺ຐກຖາຍໍ (ມຫາວ. ອຏ຺ຐ. ໒໘໔) ວຸຕ຺ຕໍ. ‘‘ຕຖາຣູເປນ ພ຺ຍາຘິນາ’’ຕິ ວຸຕ຺ຕຕ຺ຕາ ຍຖາຣູເປນ ພ຺ຍາຘິນາ ຄິລານສ຺ສ ຄຸໂຬ ປຣິຠຸຎ຺ຊິຕພ຺ໂພ ໂຫຕິ, ຕຖາຣູເປນ ເອວ ພ຺ຍາຘິນາ ຄິລານສ຺ສາຕິ ວຸຕ຺ຕໍ ວິຍ ທິສ຺ສຕິ, ວີມໍສິຕ຺ວາ ຄເຫຕພ຺ພໍ.

ເອຕ຺ຕກາສຸ ກຖາສຸ ຍາ ຍາ ສໍວຓ຺ເຓຕພ຺ພປ຺ປກຣເຓ ນ ທິສ຺ສຕິ, ສາ ສາ ອມ຺ເຫຫິ ເປສລານໍ ຠິກ຺ຂູນໍ ໂກສລ຺ລຕ຺ຖໍ ປາຬິໂຕ ຈ ອຏ຺ຐກຖາໂຕ ຈ ຄເຫຕ຺ວາ ຏີກາຈຣິຍານໍ ວຈເນຫິ ອລງ຺ກຣິຕ຺ວາ ຐປິຕາ, ຕສ຺ມາ ນິກ຺ກງ຺ຂາ ຫຸຕ຺ວາ ປຓ຺ຑິຕາ ອຸປຘາເຣນ຺ຕຸ.