໘. ທຸພ຺ພຓ຺ຓກຣຓສິກ຺ຂາປທວຓ຺ຓນາ

໓໖໘. ອຏ຺ຐເມ ປຏິລທ຺ຘນວຈີວເຣນາຕິ ເອຕ຺ຖ ປຸພ຺ເພ ອກຕກປ຺ປໍ ກຕິປາຫໍ ນິວາສນຕ຺ຖາຍ ຕາວກາລິກວເສນ ລທ຺ຘມ຺ປິ ສງ຺ຄຍ຺ຫຕີຕິ ວທນ຺ຕິ.

໓໖໙. ‘‘ນວໍ ນາມ ອກຕກປ຺ປ’’ນ຺ຕິ ສາມຎ຺ຎໂຕ ວຸຕ຺ຕຕ຺ຕາ ອຎ຺ເຎນ ຠິກ຺ຂຸນາ ກປ຺ປພິນ຺ທຸໍ ທຕ຺ວາ ປຣິຠຸຕ຺ຕໍ ຈີວຣໍ, ເຕນ ວາ, ຕໂຕ ລຠິຕ຺ວາ ອຎ຺ເຎນ ວາ ເກນຈິ ທິນ຺ນມ຺ປິ ກຕກປ຺ປເມວ ນວໍ ນາມ ນ ໂຫຕີຕິ ທຏ຺ຐພ຺ພໍ. ‘‘ນິວາເສຕຸໍ ວາ ປາຣຸປິຕຸໍ ວາ’’ຕິ ວຸຕ຺ຕຕ຺ຕາ ອໍສພທ຺ຘກາສາວມ຺ປິ ປາຣຸປິຕພ຺ພໂຕ ກປ຺ປໍ ກາຕພ຺ພນ຺ຕິ ວທນ຺ຕິ. ຈມ຺ມກາຣນີລໍ ນາມ ຈມ຺ມໍ ນີລວຓ຺ຓໍ ກາຕຸໍ ໂຍຊິຍມານໍ ນີລໍ. ປກຕິນີລເມວາຕິ ເກຈິ. ຍຖາວຸຕ຺ຕຈີວຣສ຺ສ ອກຕກປ຺ປຕາ, ອນຏ຺ຐຈີວຣາທິຕາ, ນິວາສນາທິຕາຕິ ຕີຓິ ອງ຺ຄານິ.

ທຸພ຺ພຓ຺ຓກຣຓສິກ຺ຂາປທວຓ຺ຓນາ ນິຏ຺ຐິຕາ.