໑. ໂກສິຍສິກ຺ຂາປທວຓ຺ຓນາ

໕໔໒. ທຸຕິຍສ຺ສ ປຐເມ ປາຬິຍໍ ໂກສິຍກາຣເກຕິ ໂກສກາຣກປາຓານໍ ໂກສໂຕ ນິພ຺ພຕ຺ຕຕ຺ຕາ ໂກສິເຍນ ສຸຕ຺ເຕນ ວຕ຺ຖາທິໍ ກໂຣນ຺ເຕ. ສງ຺ຆາຕນ຺ຕິ ວິນາສໍ.

໕໔໔. ‘‘ອວາຍິມ’’ນ຺ຕິ ວຸຕ຺ຕຕ຺ຕາ ວາຍິຕ຺ວາ ກຣເຓ ອນາປຕ຺ຕິ. ມິສ຺ເສຕ຺ວາຕິ ເອຬກໂລເມຫິ ມິສ຺ເສຕ຺ວາ. ປຏິລາເຠນາຕິ ປຣິນິຏ຺ຐາເນນ ‘‘ປຣິໂຍສາເປຕິ, ນິສ຺ສຄ຺ຄິຍ’’ນ຺ຕິ (ປາຣາ. ໕໔໕) ວຸຕ຺ຕຕ຺ຕາ, ໂກສິຍມິສ຺ສກຕາ, ອຕ຺ຕໂນ ອຕ຺ຖາຍ ສນ຺ຖຕສ຺ສ ກຣຓກາຣາປນໍ, ປຏິລາໂຠ ຈາຕິ ອິມາເນຕ຺ຖ ຕີຓິ ອງ຺ຄານິ.

ໂກສິຍສິກ຺ຂາປທວຓ຺ຓນາ ນິຏ຺ຐິຕາ.

໕໔໗-໕໕໒. ທຸຕິຍຎ຺ຈ ຕຕິຍຎ຺ຈ ອຸຕ຺ຕານເມວ. ຕຕ຺ຖ ປນ ໂອທາຕາທິມິສ຺ສກສຎ຺ຎາຍ ສຸທ຺ຘກາຬການຎ຺ເຎວ ສນ຺ຖຕສ຺ສ ກຣຓວເສນ ເຈຕ຺ຖ ທ຺ເວຠາຄໂຕ ອຘິເກສຸ ສຸທ຺ຘກາຬເກສຸ ອນຘິກສຎ຺ຎາຍ ສນ຺ຖຕສ຺ສ ກຣຓວເສນ ຈ ອຈິຕ຺ຕກຕາ ເວທິຕພ຺ພາ.