໒. ອຎ຺ຎວາທກສິກ຺ຂາປທວຓ຺ຓນາ
໙໘-໙. ອຎ຺ຎໍ ວທຕີຕິ ອຎ຺ຎວາທກໍ, ‘‘ວຈນໍ ກເຣຍ຺ຍາ’’ຕິ ລິຂິຕໍ. ‘‘ຕຸຓ຺ຫີຠູຕສ຺ເສຕໍ ນາມ’’ນ຺ຕິ ປາໂຐ. ອຸຄ຺ຆາເຕຕຸກາໂມຕິ ສໂມຫນິຕຸກາໂມ, ອນ຺ຕຣາຍໍ ກຕ຺ຕຸກາໂມຕິ ໂປຣາຓາ.
໑໐໐. ‘‘ສຸທິຏ຺ໂຐ ຠນ຺ເຕ, ນ ປເນໂສ ກຫາປໂຓຕິອາທີສຸ ອນາໂຣປິເຕ ທຸກ຺ກເຏນ ມຸສາວາທປາຈິຕ຺ຕິຍໍ, ອໂຣປິເຕ ປາຈິຕ຺ຕິຍທ຺ວຍໍ ໂຫຕີ’’ຕິ ວທນ຺ຕິ, ວີມໍສິຕພ຺ພໍ.
໑໐໒. ອຘມ຺ເມນ ວາ ວຄ຺ເຄນ ວາ ນ ກມ຺ມາຣຫສ຺ສ ວາຕິ ເອຕ຺ຖ ‘‘ມຍິ ວຸຕ຺ເຕ ມໍ ວາ ອຎ຺ຎໍ ວາ ສງ຺ໂຆ ອຘມ຺ເມນ ວາ ກມ຺ມໍ, ວຄ຺ເຄນ ວາ ກມ຺ມໍ ກຣິສ຺ສຕິ, ນ ກມ຺ມາຣຫສ຺ສ ວາ ເມ, ອຎ຺ຎສ຺ສ ວາ ກມ຺ມໍ ກຣິສ຺ສຕີ’’ຕິ ນ ກເຖຕີຕິ ໂຍເຊຕພ຺ພໍ.
ອຎ຺ຎວາທກສິກ຺ຂາປທວຓ຺ຓນາ ນິຏ຺ຐິຕາ.