໖-໗. ອນ຺ເຕວາສິກສຸຕ຺ຕາທິວຓ຺ຓນາ

໑໕໑-໑໕໒. ອນ຺ຕ-ສທ຺ໂທ ສມີປຕ຺ເຖ ວຕ຺ຕຕິ ‘‘ອຸທກນ຺ຕໍ ວນນ຺ຕ’’ນ຺ຕິອາທີສຸ, ກິເລໂສ ປນ ອຕິອາສນ຺ເນ ວສຕິ ອພ຺ຠນ຺ຕຣວຸຕ຺ຕິຕາຍາຕິ ‘‘ອນ຺ເຕວາສິກ’’ນ຺ຕິ ວຸຕ຺ໂຕ ວິຠຕ຺ຕິອໂລເປນ ຍຖາ ‘‘ວເນກຸສໂລ, ກູເລຣຸກ຺ຂາ’’ຕິ. ເຕນາຫ – ‘‘ອນນ຺ເຕວາສິກນ຺ຕິ ອນ຺ໂຕວສນກິເລສວິຣຫິຕ’’ນ຺ຕິ. ອາຈຣຓກກິເລສວິຣຫິຕນ຺ຕິ ສມຸທາຈຣຓກິເລສຣຫິຕໍ. ອນ຺ໂຕ ອສ຺ສ ວສນ຺ຕີຕິ ອສ຺ສ ປຸຄ຺ຄລສ຺ສ ອນ຺ໂຕ ອພ຺ຠນ຺ຕເຣ ຈິຕ຺ເຕ ວສນ຺ຕິ ປວຕ຺ຕນ຺ຕິ. ເຕ ເອຕໍ ອຘິຠວນ຺ຕີຕິ ເຕ ກິເລສາ ເອຕໍ ປຸຄ຺ຄລໍ ອຠິຠວິຕ຺ວາ ອຕ຺ຕໂນ ວເສ ວຕ຺ເຕນ຺ຕິ. ເຕນາຫ – ‘‘ອຊ຺ໂຌຕ຺ຖຣນ຺ຕິ ສິກ຺ຂາເປນ຺ຕິ ວາ’’ຕິ. ເຕຫິ ອາຈຣິເຍຫີຕິ ເຕຫິ ກິເລສສງ຺ຂາເຕຫິ ສຕ຺ເຕ ອຕ຺ຕໂນ ຄຕິຍໍ ຐເປນ຺ເຕຫິ ອາຈຣິເຍຫິ. ສຕ຺ຕມໍ ເຫຏ຺ຐາ ກຖິຕນຍເມວາຕິ ຍສ຺ມາ ເຫຏ຺ຐາ ຂນ຺ຘວເສນ ເທສນາ ອາຄຕາ, ອິຘ ອາຍຕນວເສນາຕິ ອຍເມວ ວິເສໂສ.

ອນ຺ເຕວາສິກສຸຕ຺ຕາທິວຓ຺ຓນາ ນິຏ຺ຐິຕາ.