໕. ສຕ຺ຕຏ຺ຐານສຸຕ຺ຕວຓ຺ຓນາ

໕໗. ສຕ຺ຕສຸ ໂອກາເສສູຕິ ຣູປປຊານນາທີສຸ ສຕ຺ຕສຸ ໂອກາເສສຸ. ວຸສິຕວາໂສຕິ ວຸສິຕອຣິຍວາໂສ. ເອຕ຺ຖາຕິ ອິມສ຺ມິໍ ອຸທ຺ເທເສ. ເສສໍ ນາມ ອິຘ ວຸຕ຺ຕາວເສສໍ. ວຸຕ຺ຕນເຍນາຕິ ເຫຏ຺ຐາ ວຸຕ຺ຕນເຍນ ເວທິຕພ຺ພໍ. ອຸສ຺ສທນນ຺ທິຍນ຺ຕິ ອຸສ຺ສນ຺ນຄຸຓວໂຕ ໂຕສນໍ ສມ຺ໂມທາປນໍ. ຄຸຓກິຕ຺ຕເນນ ປໂລຠນີຍໍ ເສກ຺ຂກລ຺ຍາຓປຸຖຸຊ຺ຊນານໍ ປສາທຸປ຺ປາທເນນ. ອິທານິ ວຸຕ຺ຕເມວ ອຕ຺ຖໍ ປາກຏໍ ກາຕຸໍ ‘‘ຍຖາ ຫີ’’ຕິອາທິ ວຸຕ຺ຕໍ.

ເອຕ຺ຕາວຕາຕິ ປຎ຺ຈນ຺ນໍ ຂນ຺ຘານໍ ວເສນ ສຕ຺ຕສຸ ຐາເນສຸ ໂກສລ຺ລທີປເນນ ເອຕ຺ຕເກນ ເທສນາກ຺ກເມນ. ຕນ຺ຕິ ອາຣມ຺ມຓໍ. ຘາຕຸອາທິມຕ຺ຕເມວາຕິ ຘາຕາຍຕນປຏິຈ຺ຈສມຸປ຺ປາທມຕ຺ຕເມວ. ອິເມສຸ ຘມ຺ເມສູຕິ ອິເມສຸ ຊາຕາທີສຸ. ກມ຺ມໍ ກຕ຺ວາຕິ ສມ຺ມສນກມ຺ມໍ ນິຏ຺ຐເປຕ຺ວາຕິ ອຕ຺ໂຖ. ເອວເມຕ຺ຖ ປຎ຺ຈນ຺ນໍ ຂນ຺ຘານໍ ວເສນ ສຕ຺ຕຏ຺ຐານໂກສລ຺ລປວຕ຺ຕິຍາ ປເຠເທນ ວິຠຊິຕ຺ວາ ‘‘ຕິວິຘູປປຣິກ຺ຂີ’’ຕິ ທສ຺ເສຕິ ຘມ຺ມຣາຊາ.

ສຕ຺ຕຏ຺ຐານສຸຕ຺ຕວຓ຺ຓນາ ນິຏ຺ຐິຕາ.