໗-໑໐. ອນຸຘມ຺ມສຸຕ຺ຕາທິວຓ຺ຓນາ

໓໙-໔໒. ອປາຍທຸກ຺ເຂ ສກລສໍສາຣທຸກ຺ເຂ ຈ ປຕິຕຸໍ ອທຕ຺ວາ ຘາຣຓຏ຺ເຐນ ຘມ຺ໂມ, ມຄ຺ຄຜລນິພ຺ພານານິ. ຕທນຸໂລມິກາ ຈສ຺ສ ປຸພ຺ພຠາຄປຏິປທາຕິ ອາຫ ‘‘ຘມ຺ມານຸຘມ຺ມປຏິປນ຺ນສ຺ສາ’’ຕິອາທິ. ‘‘ນິພ຺ພິທາພຫຸໂລ’’ຕິ ອຏ຺ຐກຖາຍໍ ປທຸທ຺ຘາໂຣ ກໂຕ, ປາຬິຍໍ ປນ ‘‘ນິພ຺ພິທາພຫຸລໍ ວິຫເຣຍ຺ຍາ’’ຕິ ອາຄຕໍ. ອຸກ຺ກຓ຺ຐນພຫຸໂລຕິ ສພ຺ພຠເວສຸ ອຸກ຺ກຓ຺ຐນພຫຸໂລ. ຕີຫິ ປຣິຎ຺ຎາຫີຕິ ຎາຕຕີຣຓປ຺ປຫານປຣິຎ຺ຎາຫິ. ປຣິຊານາຕີຕິ ເຕຠູມກຘມ຺ເມ ປຣິຈ຺ຉິຊ຺ຊ ຊານາຕິ, ວິປສ຺ສນໍ ອຸສ຺ສຸກ຺ກາເປຕິ. ປຣິມຸຈ຺ຈຕິ ສພ຺ພສໍກິເລສໂຕ ‘‘ມຄ຺ໂຄ ປວຕ຺ຕິໂຕ ປຣິມຸຈ຺ຈຕີ’’ຕິ ວຸຕ຺ຕຕ຺ຕາ. ຕຖາຕິ ອິມິນາ ອິໂຕ ປເຣສຸ ຕີສຸ ມຄ຺ໂຄ ໂຫຕີຕິ ທສ຺ເສຕິ. ອິຘາຕິ ອິມສ຺ມິໍ ສຸຕ຺ເຕ. ອນິຍມິຕາຕິ ອຄ຺ຄຫິຕາ. ເຕສຸ ນິຍມິຕາ ‘‘ອນິຈ຺ຈານຸປສ຺ສີ’’ຕິອາທິວຈນໂຕ. ສາຕິ ອນຸປສ຺ສນາ. ຕຕ຺ຖ ນິຍມິຕວເສເນວາຕິ ອິທໍ ລກ຺ຂຓວຈນໍ ຍຖາ ‘‘ຍທິ ເມ ພ຺ຍາຘໂຍ ຠເວຍ຺ຍຸໍ, ທາຕພ຺ພມິທໂມສຘ’’ນ຺ຕິ. ນ ຫິ ສກ຺ກາ ເອຕິສ຺ສາ ເອວ ອນຸປສ຺ສນາຍ ວເສນ ສມ຺ມສນາຈາຣໍ ມຕ຺ຖກໍ ປາເປຕຸນ຺ຕິ.

ອນຸຘມ຺ມສຸຕ຺ຕາທິວຓ຺ຓນາ ນິຏ຺ຐິຕາ.

ນຕຸມ຺ຫາກໍວຄ຺ຄວຓ຺ຓນາ ນິຏ຺ຐິຕາ.