໔. ຈຕຸຕ຺ຖສິກ຺ຂາປທໍ

໘໐໖. ຈຕຸຕ຺ເຖ ຣຎ຺ໂຎ ໂອໂຣຘາ ຣາໂຊໂຣຘາ, ປຸຣາເຓ ຣາໂຊໂຣຘາ ປຸຣາຓຣາໂຊໂຣຘາຕິ ວຈນຕ຺ຖໍ ທສ຺ເສນ຺ໂຕ ອາຫ ‘‘ປຸຣາເຓ’’ຕິອາທິ. ‘‘ຄິຫິຠາເວ’’ຕິ ອິມິນາ ປຸຣາເຓຕິ ເອຕ຺ຖ ຓປຈ຺ຈຍສ຺ສ ສຣູປໍ ທສ຺ເສຕິ. ຈິຣາຈິຣນ຺ຕິ ນິປາຕປຏິຣູປກໍ. ເຕນ ວຸຕ຺ຕໍ ‘‘ຈິເຣນ ຈິເຣນາ’’ຕິ. ‘‘ສກ຺ໂກຖາ’’ຕິ ອິມິນາ ກຖໍ ຕຸມ຺ເຫ ຣາຄຈິຕ຺ຕໍ ປຏິຫນິຕ຺ວາ ອຕ຺ຕານໍ ຘາເຣຖ ຘາເຣຕຸໍ ສກ຺ໂກຖາຕິ ອຕ຺ຖໍ ທສ຺ເສຕິ. ອນາໂຣຈິເຕປີຕິ ຠູຕໂຕ ອນາໂຣຈິເຕປິ.

໘໐໗. ຊຕຸນາຕິ ລາຂາຍ. ປຏ຺ຐທຓ຺ຑເກຕິ ປຏຸຠາເວນ ຐາຕິ ປວຕ຺ຕຕີຕິ ປຏ຺ໂຐ, ໂສເຍວ ທຓ຺ໂຑ ປຏ຺ຐທຓ຺ໂຑ, ຕສ຺ສ ປເວສນໍ ປຏ຺ຐທຓ຺ຑກໍ, ຕສ຺ມິໍ ນິມິຕ຺ຕຠູເຕ. ເອຕນ຺ຕິ ‘‘ຊຕຸມຏ຺ຐເກ’’ຕິ ເອຕໍ ວຈນນ຺ຕິ. ຈຕຸຕ຺ຖໍ.