໒. ທຸຕິຍປາຣາຊິກສິກ຺ຂາປທໍ

໖໖໔. ທຸຕິເຍ ກຈ຺ຈິ ໂນ ສາຕິ ເອຕ຺ຖ ໂນສທ຺ໂທ ນຸສທ຺ທຕ຺ໂຖຕິ ອາຫ ‘‘ກຈ຺ຈິ ນຸ ສາ’’ຕິ. ປຣິວາຣວິປຕ຺ຕີຕິ ປຣິຊນສ຺ສ ວິນາສນໍ. ‘‘ອກິຕ຺ຕີ’’ຕິ ເອຕ຺ຖ ສມ຺ມຸຂາ ນິນ຺ທໍ ຄເຫຕ຺ວາ ‘‘ອຍໂສ’’ຕິອິມິນາ ປຣມ຺ມຸຂາ ນິນ຺ທາ ຄເຫຕພ຺ພາຕິ ທສ຺ເສຕຸໍ ວຸຕ຺ຕໍ ‘‘ປຣມ຺ມຸຂຄຣຫາ ວາ’’ຕິ.

໖໖໖. ‘‘ຍາ ປາຣາຊິກໍ ອາປນ຺ນາ’’ຕິອິມິນາ ‘‘ສາ ວາ’’ຕິ ເອຕ຺ຖ ຕສທ຺ທສ຺ສ ວິສຍໍ ທສ຺ເສຕິ. ຈຕຸນ຺ນນ຺ຕິ ນິທ຺ຘາຣຓຕ຺ເຖ ເຈຕໍ ສາມິວຈນໍ, ຈຕູສູຕິ ອຕ຺ໂຖ. ປຈ຺ຉາຕິ ສພ຺ພປາຣາຊິການໍ ປຈ຺ຉາ. ອິມສ຺ມິໍ ໂອກາເສຕິ ປຐມຕຕິຍປາຣາຊິການມນ຺ຕເຣ ຐາເນ. ຐປິຕນ຺ຕິ ສງ຺ຄີຕິກາເຣຫິ ນິກ຺ຂິຕ຺ຕໍ. ເອຕ຺ຖາຕິ ອິມສ຺ມິໍ ສິກ຺ຂາປເທ. ຕຕ຺ຣາຕິ ທຸຏ຺ຐຸລ຺ລສິກ຺ຂາປເທຕິ. ທຸຕິຍໍ.