໒. ສຫຊາຕວາຣວຓ຺ຓນາ

໒໓໔-໒໔໒. ກຸສລໍ ຘມ຺ມໍ ສຫຊາໂຕ, ກຸສລໍ ເອກໍ ຂນ຺ຘໍ ສຫຊາໂຕຕິອາທີສຸ ສຫຊາຕສທ຺ເທນ ສຫຊາຕປຈ຺ຈຍກຣຓໍ ສຫຊາຕາຍຕ຺ຕຠາວຄມນໍ ວາ ວຸຕ຺ຕນ຺ຕິ ຕສ຺ສ ກຣຓສ຺ສ ຄມນສ຺ສ ວາ ກຸສລາທີນໍ ກມ຺ມຠາວໂຕ ອຸປໂຍຄວຈນໍ ກຕນ຺ຕິ ທຏ຺ຐພ຺ພໍ. ເອສ ນໂຍ ປຈ຺ຈຍວາຣາທີສຸປິ. ຕຕ຺ຣາປິ ຫິ ປຈ຺ຈຍສທ຺ເທນ ຈ ນິສ຺ສຍປຈ຺ຈຍກຣຓໍ ນິສ຺ສຍາຍຕ຺ຕຠາວຄມນໍ ວາ ວຸຕ຺ຕໍ, ສໍສຏ຺ຐສທ຺ເທນ ຈ ສມ຺ປຍຸຕ຺ຕປຈ຺ຈຍກຣຓໍ ສມ຺ປຍຸຕ຺ຕາຍຕ຺ຕຠາວຄມນໍ ວາຕິ ຕໍກມ຺ມຠາວໂຕ ອຸປໂຍຄວຈນໍ ກຸສລາທີສຸ ກຕນ຺ຕິ. ສຫຊາຕມ຺ປິ ຈ ອຸປາທາຣູປໍ ຠູຕຣູປສ຺ສ ປຈ຺ຈໂຍ ນ ໂຫຕີຕິ ‘‘ປຏິຈ຺ຈາ’’ຕິ ອິມິນາ ວຈເນນ ທີປິໂຕ ປຈ຺ຈໂຍ ນ ໂຫຕີຕິ ອຕ຺ໂຖ. ‘‘ອຸປາທາຣູປໍ ຠູຕຣູປສ຺ສາ’’ຕິ ຈ ນິທສ຺ສນວເສນ ວຸຕ຺ຕໍ. ອຸປາທາຣູປສ຺ສປິ ຫິ ອຸປາທາຣູປໍ ຍຖາວຸຕ຺ໂຕ ປຈ຺ຈໂຍ ນ ໂຫຕິ, ວຕ຺ຖຸວຊ຺ຊານິ ຣູປານິ ຈ ອຣູປານນ຺ຕິ.

ສຫຊາຕວາຣວຓ຺ຓນາ ນິຏ຺ຐິຕາ.