໓. ວິປາກຕ຺ຕິກວຓ຺ຓນາ

໑-໒໓. ວິປາກຕ຺ຕິເກ ວິປາກຘມ຺ມໍ ປຏິຈ຺ຈາຕິ ວິປາກໍ ຘມ຺ມໍ ປຏິຈ຺ຈ. ສມາເສນປິ ຫິ ໂສເຍວຕ຺ໂຖ ວຸຕ຺ໂຕຕິ ປາຬິຍໍ ສມາສໍ ກຕ຺ວາ ລິຂິຕໍ.

໒໔-໕໒. ‘‘ເນວວິປາກນວິປາກຘມ຺ມຘມ຺ມໍ ປຏິຈ຺ຈ ເນວວິປາກນວິປາກຘມ຺ມຘມ຺ໂມ ອຸປ຺ປຊ຺ຊຕິ ນວິປາກປຈ຺ຈຍາ’’ຕິ ເອຕສ຺ສ ວິຠງ຺ເຄ ‘‘ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ອຸປາທາຣູປ’’ນ຺ຕິ ເອຕ຺ຕກເມວ ວຸຕ຺ຕໍ, ນ ວຸຕ຺ຕໍ ‘‘ກຏຕ຺ຕາຣູປ’’ນ຺ຕິ. ຕໍ ຂນ຺ເຘ ປຏິຈ຺ຈ ອຸປ຺ປຊ຺ຊມານສ຺ສ ມຫາຠູເຕ ປຏິຈ຺ຈ ອຸປ຺ປຕ຺ຕິທສ຺ສນຕ຺ຖຕ຺ຕາ ນ ວຸຕ຺ຕໍ. ນ ເຫຕ຺ຖ ກຏຕ຺ຕາຣູປສ຺ສ ຂນ຺ເຘ ປຏິຈ຺ຈ ອຸປ຺ປຕ຺ຕິ ອຕ຺ຖິ, ຍສ຺ສ ມຫາຠູເຕ ປຏິຈ຺ຈ ອຸປ຺ປຕ຺ຕິ ວຕ຺ຕພ຺ພາ ສິຍາ. ປວຕ຺ຕິຍໍ ປນ ກຏຕ຺ຕາຣູປໍ ‘‘ອສຎ຺ຎສຕ຺ຕານໍ…ເປ… ມຫາຠູເຕ ປຏິຈ຺ຈ ກຏຕ຺ຕາຣູປໍ ອຸປາທາຣູປ’’ນ຺ຕິ ເອເຕເນວ ທສ຺ສິຕໍ ໂຫຕິ. ເອວຎ຺ຈ ກຕ຺ວາ ອສຎ຺ຎສຕ຺ຕານໍ ຣູປສມານຄຕິກຕ຺ຕາ ນາຫາຣປຈ຺ຈເຍ ຈ ປວຕ຺ຕິຍໍ ກຏຕ຺ຕາຣູປໍ ນ ອຸທ຺ຘຏໍ. ຕມ຺ປິ ຫິ ອຸປ຺ປາທກ຺ຂເຓ ອາຫາຣປຈ຺ຈເຍນ ວິນາ ອຸປ຺ປຊ຺ຊຕີຕິ ອຸທ຺ຘຣິຕພ຺ພໍ ສິຍາຕິ.

ວິປາກຕ຺ຕິກວຓ຺ຓນາ ນິຏ຺ຐິຕາ.