໓. ກຸຫກສຸຕ຺ຕວຓ຺ຓນາ

໘໓. ຕຕິເຍ ຕີຫິ ກຸຫນວຕ຺ຖູຫີຕິ ສາມນ຺ຕຊປ຺ປນອິຣິຍາປຖສນ຺ນິສ຺ສິຕປຈ຺ຈຍປ຺ປຏິເສວນເຠທໂຕ ຕິປ຺ປເຠເທຫິ ກຸຫນວຕ຺ຖູຫິ. ຕິວິເຘນ ກຸຫນວຕ຺ຖຸນາ ໂລກໍ ກຸຫຍຕິ ວິມ຺ຫາປຍຕິ ‘‘ອໂຫ ອຈ຺ຉຣິຍປຸຣິໂສ’’ຕິ ອຕ຺ຕນິ ປເຣສໍ ວິມ຺ຫຍໍ ອຸປ຺ປາເທຕີຕິ ກຸຫໂກ. ລາຠສກ຺ກາຣຕ຺ຖິໂກ ຫຸຕ຺ວາ ລປຕິ ອຕ຺ຕານໍ ທາຍກໍ ວາ ອຸກ຺ຂິປິຕ຺ວາ ຍຖາ ໂສ ກິຎ຺ຈິ ທທາຕິ, ເອວໍ ອຸກ຺ກາເຈຕ຺ວາ ກເຖຕີຕິ ລປໂກ. ນິມິຕ຺ຕໍ ສີລໍ ຕສ຺ສາຕິ ເນມິຕ຺ຕິໂກ, ນິມິຕ຺ເຕນ ວາ ຈຣຕິ, ນິມິຕ຺ຕໍ ວາ ກໂຣຕີຕິ ເນມິຕ຺ຕິໂກ. ນິມິຕ຺ຕນ຺ຕິ ຈ ປເຣສໍ ປຈ຺ຈຍທານສຎ຺ຎຸປ຺ປາທກໍ ກາຍວຈີກມ຺ມໍ ວຸຈ຺ຈຕິ. ນິປ຺ເປໂສ ສີລມສ຺ສາຕິ ນິປ຺ເປສິໂກ. ນິປ຺ປິສຕີຕິ ວາ ນິປ຺ເປໂສ, ນິປ຺ເປໂສເຍວ ນິປ຺ເປສິໂກ. ນິປ຺ເປໂສຕິ ຈ ສຐປຸຣິໂສ ວິຍ ລາຠສກ຺ກາຣຕ຺ຖໍ ອກ຺ໂກສນຸປ຺ປຓ຺ຑນປຣປິຏ຺ຐິມໍສິກຕາທິ.

ກຸຫກສຸຕ຺ຕວຓ຺ຓນາ ນິຏ຺ຐິຕາ.