໖-໗. ປຏິສມ຺ຠິທາປ຺ປຕ຺ຕສຸຕ຺ຕາທິວຓ຺ຓນາ

໘໖-໘໗. ຉຏ຺ເຐ ປຏິສມ຺ຠິທາສຸ ຍໍ ວຕ຺ຕພ຺ພໍ, ຕໍ ເຫຏ຺ຐາ ວຸຕ຺ຕເມວ. ອຸຈ຺ຈາວຈານີຕິ ອຸຈ຺ຈນີຈານິ. ເຕນາຫ ‘‘ມຫນ຺ຕຂຸທ຺ທການີ’’ຕິ. ກິໍກຣຓີຍານີຕິ ‘‘ກິໍ ກໂຣມີ’’ຕິ ເອວໍ ວຕ຺ວາ ກຕ຺ຕພ຺ພກມ຺ມານິ. ຕຕ຺ຖ ອຸຈ຺ຈກມ຺ມານິ ນາມ ຈີວຣສ຺ສ ກຣຓໍ, ຣຊນໍ, ເຈຕິເຍ ສຸຘາກມ຺ມໍ, ອຸໂປສຖາຄາຣເຈຕິຍຆຣໂພຘິຆເຣສຸ ກຕ຺ຕພ຺ພກມ຺ມນ຺ຕິ ເອວມາທິ. ອວຈກມ຺ມໍ ນາມ ປາທໂຘວນມກ຺ຂນາທິ ຂຸທ຺ທກກມ຺ມໍ. ຕຕ຺ຣຸປາຍາສາຕິ ຕຕ຺ຣຸປຄມນິຍາ, ຕຕ຺ຣ ຕຕ຺ຣ ມຫນ຺ເຕ ຂຸທ຺ທເກ ຈ ກມ຺ເມ ສາຘນວເສນ ອຸປຄຈ຺ຉນ຺ຕິຍາຕິ ອຕ຺ໂຖ. ຕສ຺ສ ຕສ຺ສ ກມ຺ມສ຺ສ ນິປ຺ຜາທເນ ສມຕ຺ຖາຍາຕິ ວຸຕ຺ຕໍ ໂຫຕິ. ຕຕ຺ຣຸປາຍາຍາຕິ ວາ ຕຕ຺ຣ ຕຕ຺ຣ ກມ຺ເມ ສາເຘຕພ຺ເພ ອຸປາຍຠູຕາຍ. ອລໍ ກາຕຸນ຺ຕິ ກາຕຸໍ ສມຕ຺ໂຖ ໂຫຕິ. ອລໍ ສໍວິຘາຕຸນ຺ຕິ ວິຈາເຣຕຸໍ ສມຕ຺ໂຖ. ສຕ຺ຕມໍ ອຸຕ຺ຕານເມວ.

ປຏິສມ຺ຠິທາປ຺ປຕ຺ຕສຸຕ຺ຕາທິວຓ຺ຓນາ ນິຏ຺ຐິຕາ.