໑໑-໑໓. ປຐມໂມຣນິວາປສຸຕ຺ຕາທິວຓ຺ຓນາ

໑໔໔-໑໔໖. ເອກາທສເມ ອກຸປ຺ປຘມ຺ມຕາຍ ຂຍວຍສງ຺ຂາຕໍ ອນ຺ຕໍ ອຕີຕາຕິ ອຈ຺ຈນ຺ຕາ, ເອວໍ ອປຣິຫາຍນສຠາວຕ຺ຕາ ອຈ຺ຈນ຺ຕາ ນິຏ຺ຐາ ອສ຺ສາຕິ ອຈ຺ຈນ຺ຕນິຏ຺ໂຐ. ເຕນາຫ ‘‘ອນ຺ຕໍ ອຕິກ຺ກນ຺ຕນິຏ຺ໂຐ’’ຕິອາທິ. ນ ຫິ ປຏິວິທ຺ຘສ຺ສ ໂລກຸຕ຺ຕຣຘມ຺ມສ຺ສ ທສ຺ສນໍ ກຸປ຺ປນໍ ນາມ ອຕ຺ຖິ. ຘຸວນິຏ຺ໂຐຕິ ສຕຕນິຏ຺ໂຐ. ອຈ຺ຈນ຺ຕເມວ ຈຕູຫິ ໂຍເຄຫິ ເຂໂມ ເອຕສ຺ສ ອຕ຺ຖີຕິ ອຈ຺ຈນ຺ຕໂຍຄກ຺ເຂມີ, ນິຈ຺ຈໂຍຄກ຺ເຂມີຕິ ອຕ຺ໂຖ. ມຄ຺ຄພ຺ຣຫ຺ມຈຣິຍສ຺ສ ວຸສິຕຕ຺ຕາ ຕສ຺ສ ອວິຫາຍນສຠາວຕ຺ຕາ ອຈ຺ຈນ຺ຕໍ ພ຺ຣຫ຺ມຈາຣີຕິ ອຈ຺ຈນ຺ຕພ຺ຣຫ຺ມຈາຣີ, ນິຈ຺ຈພ຺ຣຫ຺ມຈາຣີຕິ ອຕ຺ໂຖ. ປຣິໂຍສານນ຺ຕິ ພ຺ຣຫ຺ມຈຣິຍປຣິໂຍສານໍ ວຏ຺ຏທຸກ຺ຂປຣິໂຍສານຎ຺ຈ. ອຈ຺ຈນ຺ຕໍ ປຣິໂຍສານມສ຺ສາຕິ ອຈ຺ຈນ຺ຕປຣິໂຍສາໂນ. ທ຺ວາທສມເຕຣສມານິ ອຸຕ຺ຕານຕ຺ຖາເນວ.

ປຐມໂມຣນິວາປສຸຕ຺ຕາທິວຓ຺ຓນາ ນິຏ຺ຐິຕາ.

ໂຍຘາຊີວວຄ຺ຄວຓ຺ຓນາ ນິຏ຺ຐິຕາ.

໑໔໗-໑໕໖. ມງ຺ຄລວຄ຺ໂຄ ອຸຕ຺ຕານຕ຺ໂຖເຍວ.

ຕຕິຍປຓ຺ຓາສກໍ ນິຏ຺ຐິຕໍ.