໙. ປຐມອຣິຍາວາສສຸຕ຺ຕວຓ຺ຓນາ

໑໙. ນວເມ ອຣິຍານໍ ເອວ ອາວາສາຕິ ອຣິຍາວາສາ ອນຣິຍານໍ ຕາທິສານໍ ອສມ຺ຠວໂຕ. ອຣິຍາຕິ ເຈຕ຺ຖ ອຸກ຺ກຏ຺ຐນິທ຺ເທເສນ ຂີຓາສວາ ຄຫິຕາ. ເຕ ຈ ຍສ຺ມາ ເຕຫິ ສພ຺ພກາລໍ ອວິຊຫິຕວາສາ ເອວ, ຕສ຺ມາ ວຸຕ຺ຕໍ ‘‘ເຕ ອາວສິໍສຸ ອາວສນ຺ຕິ ອາວສິສ຺ສນ຺ຕີ’’ຕິ. ຕຕ຺ຖ ອາວສິໍສູຕິ ນິສ຺ສາຍ ອາວສິໍສຸ. ປຎ຺ຈງ຺ຄວິປ຺ປຫີນຕາທໂຍ ຫິ ອຣິຍານໍ ອປສ຺ສຍາ. ເຕສຸ ປຎ຺ຈງ຺ຄວິປ຺ປຫານປຈ຺ເຈກສຈ຺ຈປໂນທນເອສນາໂອສຏ຺ຐານິ, ‘‘ສງ຺ຂາເຍກໍ ປຏິເສວຕິ, ອຘິວາເສຕິ ປຣິວຊ຺ເຊຕິ ວິໂນເທຕີ’’ຕິ (ທີ. ນິ. ໓.໓໐໘; ມ. ນິ. ໒.໑໖໘; ອ. ນິ. ໑໐.໒໐) ວຸຕ຺ເຕສຸ ອປສ຺ເສເນສຸ ວິໂນທນຎ຺ຈ ມຄ຺ຄກິຈ຺ຈາເນວ, ອິຕເຣ ມຄ຺ເຄນ ຈ ສມິຊ຺ຌນ຺ຕີຕິ.

ປຐມອຣິຍາວາສສຸຕ຺ຕວຓ຺ຓນາ ນິຏ຺ຐິຕາ.