໑. ປຐມສິກ຺ຂາປທວຓ຺ຓນາ

໑໐໒໕. ອາຣາມວຄ຺ຄສ຺ສ ປຐມສິກ຺ຂາປເທ – ປຣິກ຺ເຂປໍ ອຕິກ຺ກາເມນ຺ຕິຍາ, ອຸປຈາຣໍ ໂອກ຺ກມນ຺ຕິຍາຕິ ເອຕ຺ຖ ປຐມປາເທ ທຸກ຺ກຏໍ, ທຸຕິຍປາເທ ປາຈິຕ຺ຕິຍໍ.

໑໐໒໗. ສີສານຸໂລກິກາຕິ ປຐມໍ ປວິສນ຺ຕີນໍ ຠິກ຺ຂຸນີນໍ ສີສໍ ອນຸໂລເກນ຺ຕີ ປວິສຕິ, ອນາປຕ຺ຕິ. ຍຕ຺ຖ ຠິກ຺ຂຸນິໂຍຕິ ຍຕ຺ຖ ຠິກ຺ຂຸນິໂຍ ປຐມຕຣໍ ປວິສິຕ຺ວາ ສຊ຺ຌາຍເຈຕິຍວນ຺ທນາທີນິ ກໂຣນ຺ຕິ, ຕຕ຺ຖ ຕາສໍ ສນ຺ຕິກໍ ຄຈ຺ຉາມີຕິ ຄນ຺ຕຸໍ ວຏ຺ຏຕິ. ອາປທາສູຕິ ເກນຈິ ອຸປທ຺ທຸຕາ ໂຫຕິ, ເອວຣູປາສຸ ອາປທາສຸ ປວິສິຕຸໍ ວຏ຺ຏຕິ. ເສສໍ ອຸຕ຺ຕານເມວ.

ຘຸຣນິກ຺ເຂປສມຸຏ຺ຐານໍ – ກິຣິຍາກິຣິຍໍ, ສຎ຺ຎາວິໂມກ຺ຂໍ, ສຈິຕ຺ຕກໍ, ປຓ຺ຓຕ຺ຕິວຊ຺ຊໍ, ກາຍກມ຺ມໍ, ວຈີກມ຺ມໍ, ຕິຈິຕ຺ຕໍ, ຕິເວທນນ຺ຕິ.

ປຐມສິກ຺ຂາປທໍ.