໘. ອຏ຺ຐມສິກ຺ຂາປທວຓ຺ຓນາ

໘໒໔. ອຏ຺ຐເມ – ນິພ຺ພິຏ຺ໂຐ ຣາຊຠໂຏ ຣຎ຺ໂຎ ຠຕິ ເກຓິ ເອເຕນາຕິ ນິພ຺ພິຏ຺ຐຣາຊຠໂຏ, ເອກໍ ຐານນ຺ຕຣໍ ເກຓິຍາ ຄເຫຕ຺ວາ ຕໂຕ ລທ຺ຘອຸທໂຍຕິ ອຕ຺ໂຖ. ຕຎ຺ເຎວ ຠຏປຖໍ ຍາຈິສ຺ສາມີຕິ ຣຎ຺ໂຎ ເກຓິໍ ທຕ຺ວາ ປຸນ ຕໍເຍວ ຐານນ຺ຕຣໍ ຍາຈິສ຺ສາມີຕິ ຈິນ຺ເຕນ຺ໂຕ. ປຣິຠາສີຕິ ຕາ ຠິກ຺ຂຸນິໂຍ ‘‘ມາ ປຸນ ເອວໍ ກຣິຕ຺ຖາ’’ຕິ ສນ຺ຕຊ຺ເຊສິ.

໘໒໖. ສຍໍ ຉຑ຺ເຑຕີຕິ ຈຕ຺ຕາຣິປິ ວຕ຺ຖູນິ ເອກປໂຍເຄນ ຉຑ຺ເຑນ຺ຕິຍາ ເອກາວ ອາປຕ຺ຕິ, ປາເຏກ຺ກໍ ຉຑ຺ເຑນ຺ຕິຍາ ວຕ຺ຖຸຄຓນາຍ ອາປຕ຺ຕິໂຍ. ອາຓຕ຺ຕິຍມ຺ປິ ເອເສວ ນໂຍ. ທນ຺ຕກຏ຺ຐຉຑ຺ຑເນປິ ຠິກ຺ຂຸນິຍາ ປາຈິຕ຺ຕິຍເມວ. ຠິກ຺ຂຸສ຺ສ ສພ຺ພຕ຺ຖ ທຸກ຺ກຏໍ. ເສສໍ ອຸຕ຺ຕານເມວ.

ຉສມຸຏ຺ຐານໍ – ກິຣິຍາກິຣິຍໍ, ໂນສຎ຺ຎາວິໂມກ຺ຂໍ, ອຈິຕ຺ຕກໍ, ປຓ຺ຓຕ຺ຕິວຊ຺ຊໍ, ກາຍກມ຺ມໍ, ວຈີກມ຺ມໍ, ຕິຈິຕ຺ຕໍ, ຕິເວທນນ຺ຕິ.

ອຏ຺ຐມສິກ຺ຂາປທໍ.