໗-໑໐. ອນຸຘມ຺ມສຸຕ຺ຕາທິວຓ຺ຓນາ

໓໙-໔໒. ສຕ຺ຕເມ ຘມ຺ມານຸຘມ຺ມປ຺ປຏິປນ຺ນສ຺ສາຕິ ນວນ຺ນໍ ໂລກຸຕ຺ຕຣຘມ຺ມານໍ ອນຸໂລມຘມ຺ມໍ ປຸພ຺ພຠາຄປຏິປທໍ ປຏິປນ຺ນສ຺ສ. ອຍມນຸຘມ຺ໂມຕິ ອຍໍ ອນຸໂລມຘມ຺ໂມ ໂຫຕິ. ນິພ຺ພິທາພຫຸໂລຕິ ອຸກ຺ກຓ຺ຐນພຫຸໂລ ຫຸຕ຺ວາ. ປຣິຊານາຕີຕິ ຕີຫິ ປຣິຎ຺ຎາຫິ ປຣິຊານາຕິ. ປຣິມຸຈ຺ຈຕີຕິ ມຄ຺ຄກ຺ຂເຓ ອຸປ຺ປນ຺ນາຍ ປຫານປຣິຎ຺ຎາຍ ປຣິມຸຈ຺ຈຕິ. ເອວໍ ອິມສ຺ມິໍ ສຸຕ຺ເຕ ມຄ຺ໂຄວ ກຖິໂຕ ໂຫຕິ, ຕຖາ ອິໂຕ ປເຣສຸ ຕີສຸ. ອິຘ ປນ ອນຸປສ຺ສນາ ອນິຍມິຕາ, ເຕສຸ ນິຍມິຕາ. ຕສ຺ມາ ອິຘາປິ ສາ ຕຕ຺ຖ ນິຍມິຕວເສເນວ ນິຍເມຕພ຺ພາ. ນ ຫິ ສກ຺ກາ ຕີສຸ ອຎ຺ຎຕຣໍ ອນຸປສ຺ສນໍ ວິນາ ນິພ຺ພິນ຺ທິຕຸໍ ປຣິຊານິຕຸໍ ວາຕິ. ສຕ຺ຕມາທີນິ.

ນຕຸມ຺ຫາກວຄ຺ໂຄ ຈຕຸຕ຺ໂຖ.