໑໐. ກປ຺ປສຸຕ຺ຕວຓ຺ຓນາ

໑໐໙໙. ມຊ຺ເຌ ສຣສ຺ມິນ຺ຕິ ກປ຺ປສຸຕ຺ຕໍ. ຕຕ຺ຖ ມຊ຺ເຌ ສຣສ຺ມິນ຺ຕິ ປຸຣິມປຈ຺ຉິມໂກຏິປຎ຺ຎາຓາຠາວໂຕ ມຊ຺ຌຠູເຕ ສໍສາເຣຕິ ວຸຕ຺ຕໍ ໂຫຕິ. ຕິຏ຺ຐຕນ຺ຕິ ຕິຏ຺ຐມານານໍ. ຍຖາຍິທໍ ນາປຣໍ ສິຍາຕິ ຍຖາ ອິທໍ ທຸກ຺ຂໍ ປຸນ ນ ຠເວຍ຺ຍ.

໑໑໐໑-໒. ອຖສ຺ສ ຠຄວາ ຕມຕ຺ຖໍ ພ຺ຍາກໂຣນ຺ໂຕ ຕິສ຺ໂສ ຄາຖາໂຍ ອຠາສິ. ຕຕ຺ຖ ອກິຎ຺ຈນນ຺ຕິ ກິຎ຺ຈນປຏິປກ຺ຂໍ. ອນາທານນ຺ຕິ ອາທານປຏິປກ຺ຂໍ, ກິຎ຺ຈນາທານວູປສມນ຺ຕິ ວຸຕ຺ຕໍ ໂຫຕິ. ອນາປຣນ຺ຕິ ອປຣປຏິຠາຄທີປວິຣຫິຕໍ, ເສຏ຺ຐນ຺ຕິ ວຸຕ຺ຕໍ ໂຫຕິ. ນ ເຕ ມາຣສ຺ສ ປທ຺ຘຄູຕິ ເຕ ມາຣສ຺ສ ປທ຺ຘຈຣາ ປຣິຈາຣກາ ສິສ຺ສາ ນ ໂຫນ຺ຕິ. ເສສໍ ສພ຺ພຕ຺ຖ ປາກຏເມວ.

ເອວໍ ຠຄວາ ອິມມ຺ປິ ສຸຕ຺ຕໍ ອຣຫຕ຺ຕນິກູເຏເນວ ເທເສສິ ເທສນາປຣິໂຍສາເນ ຈ ປຸພ຺ພສທິໂສ ເອວ ຘມ຺ມາຠິສມໂຍ ອໂຫສີຕິ.

ປຣມຕ຺ຖໂຊຕິກາຍ ຂຸທ຺ທກ-ອຏ຺ຐກຖາຍ

ສຸຕ຺ຕນິປາຕ-ອຏ຺ຐກຖາຍ ກປ຺ປສຸຕ຺ຕວຓ຺ຓນາ ນິຏ຺ຐິຕາ.