໕. ລກ຺ຂຓຫາຣສມ຺ປາຕວຓ຺ຓນາ
໖໗. ອິນ຺ທ຺ຣິເຍສຸ ຄຸຕ຺ຕທ຺ວາຣຕາ ສຕິສໍວໂຣ, ສຕິພເລນ ຈ ເນກ຺ຂມ຺ມວິຕກ຺ກາທິພຫຸໂລ ໂຫຕີຕິ ວຸຕ຺ຕໍ – ‘‘ຕສ຺ມາ ຣກ຺ຂິຕຈິຕ຺ຕສ຺ສ ສມ຺ມາສງ຺ກປ຺ປໂຄຈໂຣຕິ ອິທໍ ສຕິນ຺ທ຺ຣິຍ’’ນ຺ຕິ. ຕສ຺ສຕ຺ໂຖ – ‘‘ຕສ຺ມາ ຣກ຺ຂິຕຈິຕ຺ຕສ຺ສ ສມ຺ມາສງ຺ກປ຺ປໂຄຈໂຣ’’ຕິ ເອຕ຺ຖ ຣກ຺ຂິຕຈິຕ຺ຕຕາຍ ຈ ສມ຺ມາສງ຺ກປ຺ປໂຄຈຣຕາ ກາຣຓູປຈາເຣນ ອິທໍ ສຕິນ຺ທ຺ຣິຍໍ, ຄຫິຕານິ ຠວນ຺ຕິ ປຎ຺ຈິນ຺ທ຺ຣິຍານິ ອິນ຺ທ຺ຣິຍລກ຺ຂເຓນ ວິມຸຕ຺ຕິປຣິປາຈນຠາເວນ ວາ ເອກລກ຺ຂຓຕ຺ຕາຕິ ອຘິປ຺ປາໂຍ. ຄຫິໂຕ ຠວຕີຕິ ເອຕ຺ຖ ມຄ຺ຄລກ຺ຂເຓນ ຄຫຓໍ ສຸວິຎ຺ເຎຍ຺ຍນ຺ຕິ ຕໍ ຐເປຕ຺ວາ ກາຣຓໂຕ ຄຫຓໍ ທສ຺ເສຕຸໍ ‘‘ສມ຺ມາທິຏ຺ຐິໂຕ ຫິ ສມ຺ມາສງ຺ກປ຺ໂປ ປຠວຕີ’’ຕິອາທິ ວຸຕ຺ຕໍ. ຕໂຕ ເອວ ຄຫິໂຕ ຠວຕິ ອຣິໂຍ ອຏ຺ຐງ຺ຄິໂກ ມຄ຺ໂຄຕິ ວຕ຺ວາ ວິມຸຕ຺ຕິວິມຸຕ຺ຕິຎາຓທສ຺ສນານິປິ ວຸຕ຺ຕານິ.
ລກ຺ຂຓຫາຣສມ຺ປາຕວຓ຺ຓນາ ນິຏ຺ຐິຕາ.