໘. ກຸກ຺ກຸຬກຖາວຓ຺ຓນາ

໓໓໘. ອິທານິ ກຸກ຺ກຸຬກຖາ ນາມ ໂຫຕິ. ຕຕ຺ຖ ເຍສໍ ‘‘ສພ຺ພໍ, ຠິກ຺ຂເວ, ອາທິຕ຺ຕໍ (ສໍ. ນິ. ໔.໒໘; ມຫາວ. ໕໔) ສພ຺ເພ ສງ຺ຂາຣາ ທຸກ຺ຂາ’’ຕິອາທີນິ (ຘ. ປ. ໒໗໘) ສຸຕ຺ຕານິ ອໂຍນິໂສ ຄເຫຕ຺ວາ ‘‘ນິປ຺ປຣິຍາເຍເນວ ສພ຺ເພ ສງ຺ຂາຣາ ກຸກ຺ກຸຬາ ວີຕຈ຺ຈິຕງ຺ຄາຣສມ຺ມິສ຺ສາ ຉາຣິກນິຣຍສທິສາ’’ຕິ ລທ຺ຘິ, ເສຍ຺ຍຖາປິ ເອຕຣຫິ ໂຄກຸລິການໍ; ເຕສໍ ນານປ຺ປກາຣສຸຂສນ຺ທສ຺ສເນນ ຕໍ ລທ຺ຘິໍ ວິເວເຈຕຸໍ ປຸຈ຺ຉາ ສກວາທິສ຺ສ, ປຏິຎ຺ຎາ ປຣວາທິສ຺ສ. ຕຕ຺ຖ ອໂນຘິໍ ກຕ຺ວາຕິ ໂອຘິໍ ມຣິຍາທໍ ໂກຏ຺ຐາສໍ ອກຣິຕ຺ວາ, ອວິເສເສນ ສພ຺ເພເຍວາຕິ ອຕ຺ໂຖ. ເສສໍ ສພ຺ພໍ ປາຬິນເຍເນວ ເວທິຕພ຺ພໍ ສທ຺ຘິໍ ສຸຕ຺ຕສາຘນາຍາຕິ.

ກຸກ຺ກຸຬກຖາວຓ຺ຓນາ.