໒-໓-໔. ອຎ຺ຎາຓາທິກຖາວຓ຺ຓນາ
໓໑໔. ອິທານິ ອຎ຺ຎາຓໍ, ກງ຺ຂາ, ປຣວິຕຣຓາຕິ ຕິສ຺ໂສ ກຖາ ນາມ ໂຫນ຺ຕິ. ຕຕ຺ຖ ເຍສໍ ‘‘ອຣຫໂຕ ອິຕ຺ຖິປຸຣິສາທີນໍ ນາມໂຄຕ຺ຕາທີສຸ ຎາຓປ຺ປວຕ຺ຕິຍາ ອຠາເວນ ອຕ຺ຖິ ອຎ຺ຎາຓໍ, ຕຕ຺ເຖວ ສນ຺ນິຏ຺ຐານາຠາເວນ ອຕ຺ຖິ ກງ຺ຂາ. ຍສ຺ມາ ຈ ເນສໍ ຕານິ ວຕ຺ຖູນິ ປເຣ ວິຕຣນ຺ຕິ ປກາເສນ຺ຕິ ອາຈິກ຺ຂນ຺ຕິ, ຕສ຺ມາ ເນສໍ ອຕ຺ຖິ ປຣວິຕຣຓາ’’ຕິ ອິມາ ລທ຺ຘິໂຍ, ເສຍ຺ຍຖາປິ ເອຕຣຫິ ປຸພ຺ພເສລິຍາທີນໍ; ເຕສໍ ຕາ ລທ຺ຘິໂຍ ຠິນ຺ທິຕຸໍ ຕີສຸປິ ກຖາສຸ ປຸຈ຺ຉາ ສກວາທິສ຺ສ, ປຏິຎ຺ຎາ ຈ ປຏິກ຺ເຂໂປ ຈ ອິຕຣສ຺ສ. ຕຕ຺ຖ ສພ຺ເພສຸປິ ປຎ຺ເຫສຸ ເຈວ ວິສ຺ສຊ຺ຊເນສຸ ຈ ປາຬິໍ ອນຸຄນ຺ຕ຺ວາວ ອຕ຺ໂຖ ເວທິຕພ຺ໂພຕິ.
ອຎ຺ຎາຓາທິກຖາວຓ຺ຓນາ.