໔. ອຠຍສຸຕ຺ຕວຓ຺ຓນາ

໑໘໔. ຈຕຸຕ຺ເຖ ກິຈ຺ຉາຊີວິຕກາຣຓຏ຺ເຐນ ໂຣໂຄວ ໂຣຄາຕງ຺ໂກ ນາມ. ຜຸຏ຺ຐສ຺ສາຕິ ເຕນ ໂຣຄາຕງ຺ເກນ ສມນ຺ນາຄຕສ຺ສ. ອຸຣຕ຺ຕາຬິໍ ກນ຺ທຕີຕິ ອຸຣໍ ຕາເຬຕ຺ວາ ໂຣທຕິ. ອກຕກລ຺ຍາໂຓຕິອາທີສຸ ກລ຺ຍາຓໍ ວຸຈ຺ຈຕິ ປຸຎ຺ຎກມ຺ມໍ, ຕໍ ອກຕໍ ເອເຕນາຕິ ອກຕກລ຺ຍາໂຓ. ເສສປເທສຸປິ ເອເສວ ນໂຍ. ປຸຎ຺ຎກມ຺ມເມວ ຫິ ໂກສລ຺ລສມ຺ຠູຕຕ຺ຕາ ກຸສລໍ, ຠີຕສ຺ສ ປຣິຕ຺ຕາຍກຕ຺ຕາ ຠີຣຸຕ຺ຕາຓນ຺ຕິ ວຸຈ຺ຈຕິ. ກຕປາໂປຕິອາທີສຸ ປາປໍ ວຸຈ຺ຈຕິ ລາມກໍ ອກຸສລກມ຺ມໍ. ລຸທ຺ທນ຺ຕິ ກກ຺ຂຬກມ຺ມໍ. ກິພ຺ພິສນ຺ຕິ ສມລໍ ອປຣິສຸທ຺ຘກມ຺ມໍ. ກງ຺ຂີ ໂຫຕີຕິ ພຸທ຺ຘຘມ຺ມສງ຺ຆຄຸເຓສຸ ເຈວ ສິກ຺ຂາຍ ຈ ປຸພ຺ພນ຺ເຕ ຈ ອປຣນ຺ເຕ ຈ ປຸພ຺ພນ຺ຕາປຣນ຺ເຕ ຈ ປຏິຈ຺ຈສມຸປ຺ປາເທ ຈາຕິ ອຏ຺ຐສຸ ຐາເນສຸ ກງ຺ຂາຍ ສມນ຺ນາຄໂຕ ໂຫຕິ. ວິຈິກິຈ຺ຉີຕິ ວິຈິກິຈ຺ຉາຍ ສມນ຺ນາຄໂຕ ສາສນສທ຺ຘມ຺ເມ ນ ນິຏ຺ຐໍ ຄໂຕ, ອຸຄ຺ຄຫປຣິປຸຈ຺ຉາວເສນ ນິຏ຺ຐໍ ຄນ຺ຕຸໍ ນ ສກ຺ໂກຕິ. ອິມິນາ ນເຍນ ສພ຺ພຕ຺ຖ ອຕ຺ໂຖ ເວທິຕພ຺ໂພ.