໙. ຌຕ຺ເຖ

ໂກຍໍ ຈ຺ຍຕ຺ໂຖຈ຺ຈາສງ຺ກິຍ ‘‘ອຠູຕຕພ຺ຠາເວ ກຣາສຠູໂຍເຄ ວິກາຣາຈີ’’ຕິ (໔-໑໑໙) ຈີສ຺ສ ອຠູຕຕພ຺ຠາເວ ກຣາທິໂຍເຄສຕິ ວິຘານາ ‘ອຠູຕຕພ຺ຠາໂວ ກຣາທິວິສິຏ຺ໂຐ’ຕິ ອາຫ. ອຠູຕ ຕພ຺ຠາວສ຺ສ ກຣາທິວິສິຏ຺ຐຕ຺ຕາ ກໂຣຕ຺ຍຕ຺ຖນິວຕ຺ຕິຍາວສ຺ສໍ ປາຓິນິຍາ ວິຍ ຠຸວິຄ຺ຄຫຓໍ ກຕ຺ຕພ຺ພມຎ຺ຎຖາ ກໂຣຕ຺ຍຕ຺ເຖປິ ສິຍາຕ຺ຍາສງ຺ກິຍ ນິວຕ຺ຕິເຫຕຸມາຫ- ‘ເຕເນວາ’ຕິອາທິ. ເຍເນວ ກໂຣຕ຺ຍາທິວິສິຏ຺ໂຐ ອຠູຕຕພ຺ຠາໂວຈ຺ຍຕ຺ໂຖ ເຕເນວ ເຫຕຸນາຕິ ອຕ຺ໂຖ. ຠວຕ຺ຍຕ຺ເຖ-ເນນ ກາຣເຓນ ລທ຺ເຘ ກໂຣຕ຺ຍຕ຺ໂຖປ຺ຍນິຏ຺ໂຐ ລພ຺ຠຕິຈ຺ຈາສງ຺ກິຍ ຕນ຺ນິວຕ຺ຕິມ຺ປຏິປາທຍມາຫ- ‘ກໂຣຕ຺ຍຕ຺ເຖ’ຈ຺ຈາທິ. ອຘວລໍ ຘວລໍ ກໂຣຕິ ຘວລີກໂຣຕິຈ຺ເຈວ ຈີປ຺ປຈ຺ຈເຍ ກຕ຺ຕພ຺ເພ ກມ຺ເມເນວ ກໂຣຕິສ຺ສາຠິສມ຺ພນ຺ຘສ຺ສ ທິຏ຺ຐຕ຺ຕາຕິ ອຕ຺ໂຖ. ກາຣຓນ຺ຕຣມາຫ- ‘ອິຫ ເຈ’ຈ຺ຈາທິ. ອິຕິສທ຺ໂທ ເຫຕຸມ຺ຫິ ຍສ຺ມາ ອິຫ ກຕ຺ຕຸໂຕຕິ ວຕ຺ຕເຕ ຕໂຕເຈຕິ ອຕ຺ໂຖ.

ອສຕ຺ຍຕ຺ຖສ຺ສ ປນ ຠວຕ຺ຍຕ຺ເຖເຍວານ຺ໂຕຠາວາ ນ ຕນ຺ນິວຕ຺ຕິ ປຏິປາທິຕາ. ຕປ຺ປກຣເຓຕິ ຘາຕຸປ຺ປຈ຺ຈຍປ຺ປກຣເຓ. ທ຺ວິພ຺ພຈນນ຺ຕິ ປຏອິຈ຺ຈສ຺ສ ທ຺ວິພ຺ພຈນໍ ຕໂຕ ‘‘ທິສ຺ສນ຺ຕຎ຺ເຎປິ ປຈ຺ຈຍາ’’ຕິ (໔-໑໒໐) ຣາປ຺ປຈ຺ຈໂຍ. ‘‘ຣານຸພນ຺ເຘນ຺ຕສຣາທິສ຺ສາ’’ຕິ (໔-໑໓໒) ອນ຺ຕສຣາທິສ຺ສ ໂລໂປ. ຈ຺ຍນ຺ຕາ ປຈ຺ຈຍາຠາວຕ຺ຖໍ- ‘ອຈີໂຕ’ຕິ ປຈ຺ຈຍວິຘານສຸຕ຺ເຕ ປຏິເສໂຘ ນ ກໂຕ, ເຕນາຫ-‘ອຈີໂຕຕິ ປຏິເສຘາຠາວາ’ຕິ. ຈີຕິ ຠຸໂສອິຕິ

ປຐມນ຺ຕາຈີ. ຓາທິວຸຕ຺ຕິຕ຺ຕາ ‘‘ເອກຕ຺ຖຕາຍ’’ນ຺ຕິ (໒-໑໑໙) ວິຠຕ຺ຕິໂລໂປ. ອິເຫເຈຕິ ‘ຈ຺ຍຕ຺ເຖ’’ ອິຕີມສ຺ມິໍເຍວ. ນ ຈ ວຸຈ຺ຈເຕຕິ ສມ຺ພນ຺ໂຘ.