໖໓. ປຸພ຺ເພ

ເວຕິ ນາຕິສມ຺ພຊ຺ຌເຕ ວິຘິໂນ ນິຈ຺ຈຕ຺ຕາ. ເອກສທ຺ທສ຺ສາເນກຕ຺ຖຕ຺ຕາ ວິເສເສຕິ ‘ສຂ຺ຍາວຈໂນຍເມກສທ຺ໂທ’ຕິ. ກຸໂຕຈ຺ຈາຫ-‘ສທ຺ທານ’ມິຈ຺ຈາທິ. ເອກສທ຺ທສ຺ສ ສງ຺ຂ຺ຍາວຈນຕ຺ເຕ ໂຍຕ຺ໂຖ ສມ຺ປຊ຺ຊເຕ, ຕມາຫ ‘ເອກສງ຺ຂ຺ຍາວຈ຺ຉິນ຺ໂນ’ຕິ, ຕທຕ຺ຖາຕິ ກ຺ຣິຍຕ຺ຖສ຺ສຕ຺ຖາ. ຍທິປິ ‘ປຸພ຺ພໍ ພ຺ຍາປາຣ’ນ຺ຕິ ສມຸທາເຍ ເອກເທສຠູໂຕ ພ຺ຍາປາໂຣ ນິທ຺ຘາຣິຍມາໂນຕິ ວຸຕ຺ຕໍ, ຕຖາປິ ປຸພ຺ພສທ຺ເທນ ພ຺ຍາປາຣວາຈໂກ ກ຺ຣິຍຕ຺ໂຖ ວຸຈ຺ຈເຕ ອຸປຈາຣາ, ເຕເນວ ‘ເຕສຸ ໂຍ ປຸພ຺ໂພ ຕທຕ຺ຖໂຕ ກ຺ຣິຍຕ຺ຖາ’ຕິ ວຸຕ຺ຕິຍໍວຸຕ຺ຕໍ. ນນຸ ຈ ສຕ຺ຕິ ກາຣກໍ, ອຎ຺ຎາ ຈ ປຸພ຺ພກາລກິຣິຍາຍ ສຕ຺ຕິ, ອຎ຺ຎາ ອຸຕ຺ຕຣ ກາລກິຣິຍາຍ, ຕສ຺ມາ ກຸໂຕ ເອກກຕ຺ຕຸກຕ຺ຕມິຈ຺ຈາສງ຺ກິຍ ປຏິປາເທນ຺ໂຕ ອາຫ- ‘ຍທິປິ’ຈ຺ຈາທິ. ສຕ຺ຕິມໂຕ ທພ຺ພສ຺ສາຕິ ເທວທຕ຺ຕາທິໂນ ສຕ຺ຕິມໂຕ ທພ຺ພສ຺ສ. ຕທຊ຺ຌາໂຣປາຕິ ເອກຕ຺ຕສ຺ສ ອຊ຺ຌາໂຣປາ. ເອກ ກຕ຺ຕຸການໍ ພ຺ຍາປາຣານໍ ກມາຠິຘານາຍ ຕຸນາທໂຍ ວິຘີຍມານາ ຠາເວເຍວຸປ຺ປນ຺ນາ ສກ຺ໂກນ຺ຕິ ກມມຠິຘາຕຸນ຺ຕິ ຠາເວຕ຺ຍຕ຺ຣາຠິສມ຺ພຊ຺ຌເຕ.

ເອກກຕ຺ຕຸການນ຺ຕິ ພຫຸວຈນຕ຺ຕາ ‘ຠຸຕ຺ວາ ປິຕ຺ວາ ວຊຕີ’ຕິປິ ຠວຕິ. ຠຸຕ຺ຕສ຺ມິນ຺ເຕຕ຺ຖ ອເນກກຕ຺ຕຸກຕ຺ຕາ ຠຸຎ຺ຊິຕ຺ວາປິ ຠວຕິ. ປາຓິນິ ຍານມິວ ວິສຸໍ ວຈນມນ຺ຕເຣນ ຕຸນາທິວິຘິປ຺ປຏິປາທຍມາຫ- ‘ມຸຂໍ ພ຺ຍາທາຍ ສຸປຕິ’ຈ຺ຈາທິ. ພ຺ຍາທາຍາຕິ ທາຘາຕຸສ຺ສ ວິອາປຸພ຺ພສ຺ສ ຕ຺ວາປ຺ປຈ຺ຈເຍ ‘‘ປ຺ໂຍ ວາ ຕ຺ວາສ຺ສ ສມາເສ’’ຕິ (໕-໐໖໔) ຕ຺ວາສ຺ສ ປ຺ຍາເທເສ ຣູປໍ, ມຸຂວິວຣຓໍ ກຕ຺ວາຕ຺ຍຕ຺ໂຖ, ພ຺ຍວຘາຍກກາລສ຺ສາຕິ ພ຺ຍາທານ ສຸປນານມນ຺ຕເຣໂຍ ກາໂລ ຕສ຺ສ, ເຠທານຸປລກ຺ຂຓນ຺ຕິ ເຠທສ຺ສາທສ຺ສນໍ. ເຠທສ຺ສີນໍ ເກສຎ຺ຈິວິຊ຺ຊມານຕ຺ຕາ’ເກຫີຈີ’ຕິ ວຸຕ຺ຕໍ. ສຫຠາເວປີຕິ ພ຺ຍາທານສຸປນານໍ ສຫຠາເວປິ. ວຑ຺ຒິຕໂກ ຠຕ຺ຕຣາສິ.

ອຠິມຕາ ປາຓິນິຍານໍ, ປຣາຍ ນທິຍາ ປພ຺ພໂຕ-ວໂຣ ວິເສສີ ຍເຕຕິ ອປ຺ປຕ຺ວາ ນທິມ຺ປພ຺ພໂຕ’ຕິ ວຸຕ຺ເຕ ນທິຍາ ໂອຣຠາເຄ ປພ຺ພໂຕຕິ ອຕ຺ໂຖ. ຠວຕິ, ຕໂຕ ຈ ປາເຣຠູຕນທີວິສິຏ຺ໂຐ ປພ຺ພໂຕ ປຕີຍເຕ. ອວເຣນ ປພ຺ພເຕນ ປຣາ ນທີ ວິເສສີຍເຕຕິ ອຕິກ຺ກມ຺ມ ປພ຺ພຕໍ ນທີຕິ ວຸຕ຺ເຕ ປາເຣ ນທິຍາ ໂອເຣ ປພ຺ພໂຕຕິ ອຕ຺ໂຖ ປຕີຍເຕ, ຕໂຕ ຈ ໂອຣຠາເຄ ປພ຺ພຕວິສິຏ຺ຐາ ນທີ ວິຎ຺ຎາຍເຕ. ຠວຕິໂນ ສພ຺ພຕ຺ຖ ສມ຺ຠເວ ສຕິ ເອກກຕ຺ຕຸກຕາ ປຸພ຺ພກາລຕາ ຍຖາ ຄມ຺ຍ ເຕ ຕຖາ ທສ຺ເສຕິ ‘ປຐມໍ ນ ປປ຺ໂປຕິ’ຈ຺ຈາທິ. ນິຄມຍຕິ ‘ຕເທວ’ມິຈ຺ຈາທິນາ.

ຠຸຕ຺ວາ ຠຸຕ຺ວາ ຄຈ຺ຉຕີຕິ ປເຣ-ຎ຺ຎຖາ ນິປ຺ຜຕ຺ຕິມາກງ຺ຂນ຺ຕິ ປາຓິນິຍາທໂຍ, ຕຕ຺ຣາຫ- ‘ເອກກຕ຺ຕຸການ’ມິຈ຺ຈາທິ. ອາຠິກ຺ຂຎ຺ຎາວຄເມ ກາຣຓໍ ປຸຈ຺ຉຕິ ‘ຍຊ຺ເຊວ’ມິຈ຺ຈາທິ. ວຸຕ຺ຕເມວ ຜຸຏຍຕິ ‘ເຍຫິ’ຈ຺ຈາທິນາ. ເຍຫີຕິ ເວຍ຺ຍາກຣເຓຫິ. ຊິວຄ຺ຄາຫໍ ອຄາຫຍິຈ຺ຈາໂທ ປເຣຎ຺ຎຖາ ປຏິປນ຺ນາຕທາຫ- ‘ກມ຺ມ’ມິຈ຺ຈາທິ. ສກງ຺ເຄຕິ ປາຓິປາທາທິເກ-ຕ຺ຕນິເຍວຍເວ. ຓໍ ປຈ຺ຈໂຍ ອຠິມໂຕຕິ ສມ຺ພນ຺ໂຘ. ກິໍ ຓມ຺ປຈ຺ຈເຍນາຕິ ອິທໍ ວຸຕ຺ຕໍ ໂຫຕີຕິ ສມ຺ພນ຺ໂຘ. ອຎ຺ຎຖາ ສິທ຺ຘິປ຺ປກາຣມາຫ- ‘ຊີວສ຺ສິ’ຈ຺ຈາທິ. ກິໍ ວິສິຏ຺ຐນ຺ຕິ ປຸຈ຺ຉິຕ຺ວາ ຊີວຄ຺ຄາເຫນ ວິສິຏ຺ຐນ຺ຕິ ທສ຺ເສຕຸໍ ຊີວຄ຺ຄາຫ’ນ຺ຕິ ອາຫ. ຊີວຄ຺ຄາຫສງ຺ຂາຕໍ ຄຫຓມກາສີຕິ ອຕ຺ໂຖ.

ອາຂ຺ຍາຕນ຺ຕິ ອຄາຫຍີຕິ ອາຂ຺ຍາຕໍ ກຕ຺ຕພ຺ພຣູປນ຺ຕິ ອິມານາ ຄຫຓ ກິຣິຍາຍ ກມ຺ມຕ຺ຕໍ ໂພເຘຕິ. ຕພ຺ພິເສສນມ຺ປີຕິ ກຕ຺ຕພ຺ພຣູປາຍ ຄຫຓ ກິຣິຍາຍ ວິເສສນມ຺ປິ. ຕຖາຠູຕເມວາຕິ ກຕ຺ຕພ຺ພຣູປເມວ. ຕຖາ ເຈຕິ ກິຣິຍາວິເສສເນ ທຸຕິຍາຍ ຓມນ຺ເຕ ຊາເຕ ສຕິ. ຓມນ຺ຕ ຣູປນ຺ຕິ ຓມນ຺ຕສ຺ສ ຣູປໍ ຍສ຺ສາຕິ ວິຄ຺ຄໂຫ. ຓໍປຈ຺ຈເຍນິຫ ກິຎ຺ຈິເນຕິ ສມ຺ພນ຺ໂຘ. ອິເຫຕິ ອິມສ຺ມິໍ ພ຺ຍາກຣເຓ. ກິຎ຺ຈິ ປໂຍຊນໍ. ປຈາທິໂຕຕິອາທິສທ຺ເທນ ເຕຫິ ອວິຫິຕຓມ຺ປຈ຺ຈຍາ ຄຫິຕາ.