໖໔. ນ຺ໂຕ

ໂຍ ສາຘຍິຕຸມາຣທ຺ໂຘ ນຈ ນິຏ຺ຐມຸປຄໂຕຕິ ໂຍ ກຏາທິສາຘຍິຕຸໍ ນິພ຺ພຕ຺ຕຍິຕຸໍ ອາຣທ຺ໂຘ ນິຏ຺ຐໍ ປຣິສມຕ຺ຕິໍ ນ ໂຈປຄໂຕ ນປ຺ປຕ຺ໂຕ. ປວຕ຺ໂຕ-ນຸປຣໂຕວາຕິ ໂຍ ປພ຺ພຕາທິ ນິຈ຺ຈປ຺ປວໂຕ-ອວິຣໂຕ ເຕເນວ ນິຏ຺ຐໍ ໂນປຄໂຕໂສວຕ຺ຕມາໂນຕິ ວຸຈ຺ຈເຕຕິ ໂຍຊນາ. ຕພ຺ພິ ສຍກິຣິຍາທ຺ວາເຣນາຕິ ຍຖາວຸຕ຺ຕກຏາທິວິສຍ ກິຣິຍາມຸເຂນ, ອິທໍ ວຸຕ຺ຕໍ ໂຫຕິ ‘‘ຍຖາວຸຕ຺ຕກຏາທີນໍ ວຕ຺ຕມານຕ຺ຕາ ຕພ຺ພິສຍາ ກິຣິຍາປິ ວຕ຺ຕມານາ ເອວາຕິ ຕໍທ຺ວາເຣນ ກ຺ຣິຍຕ຺ຖວິເສສນ’’ນ຺ຕິ.

ຠຸຎ຺ຊຕິ ເທວທຕ຺ໂຕຕິ ເອຕ຺ຖ ຍຊ຺ຊປິ ຠຸຎ຺ຊມາໂນ ຫສຕິ ຂຊ຺ຊຕິ [ວທຕິ] ປານິຍໍ ປິວຕິ, ຕຖາປິ ຍຸຕ຺ຕາ ວຕ຺ຕມານຕາ ກຕ຺ຕຸມິຈ຺ຉິຕສ຺ສາຣມ຺ໂຠ ນ ປຣິສມຕ຺ໂຕຕິ ວຸຕ຺ຕໍ- ‘ສາຘຍິຕຸມາຣທ຺ໂຘ ນ ຈ ນິຏ຺ຐມຸປຄໂຕ’ຕິ. ຕິຏ຺ຐນ຺ຕິ ປພ຺ພຕາຕິອາທີສຸ ນິຈ຺ເຈສຸ ປພ຺ພຕາທີສຸ ຠູຕານາຄຕານມສມ຺ຠວາ ຕນ຺ນິເສຘິໂນ ວຕ຺ຕມານສ຺ສາປ຺ຍສມ຺ຠວາ ຍທີປິ ກາລວິຠາໂຄ ນ ວິຎ຺ຎາຍເຕ, ຕຖາປິ ອາຣທ຺ຘສ຺ສ ຐານສ຺ສາປຣິສມຕ຺ຕິຍາ ວຕ຺ຕມານາ ເອວາຕິ ວຸຕ຺ຕໍ- ‘ປວຕ຺ໂຕ-ນຸປຣໂຕ ວາ’ຕິ. ກຕ຺ຕຸວິເສສເນ ສຕິ ໂກ ໂທໂສຈ຺ຈາຫ- ‘ກຕ຺ຕຸ ວິເສສເນ’ຈ຺ຈາທິ. ອິຫາປິ ສິຍາ ກຕ຺ຕຸໂນ ວຕ຺ຕມານຕ຺ຕາ, ວຕ຺ຕມານຕ຺ຕ ເມວາສ຺ສ ປກາເສຕຸມຍນ຺ຕິ ວຸຕ຺ຕໍ. ‘‘ອປຐມາ ສມານາຘິກຣເຓ’’ຕ຺ຍາທີຫິ (໓-໒-໑໒໔) ອເນເກຫິ ສຸຕ຺ເຕຫິນ຺ຕປ຺ປຈ຺ຈໂຍ ປາຓິນິເຍຫິ ວິຫິໂຕ.

ອິຘ ປນ ສາມຎ຺ເຎນ ວິຫິຕຕ຺ຕາ ອາຫ- ‘ສາມຎ຺ເຎນາ’ຕິອາທິ. ສນ຺ໂຕ ‘ອສ-ຠຸວິ’ນ຺ຕປ຺ປຈ຺ຈໂຍ. ‘‘ກຕ຺ຕຣິ ໂລ’’ (໕-໑໘) ‘‘ນ຺ຕມານານ຺ຕິ ຍິຍຸໍສ຺ວາທິໂລໂປ’’ຕິ (໕-໑໓໐) ອກາຣສ຺ສ ໂລໂປ. ຕປນ຺ໂຕ ‘ຕປ-ສນ຺ຕາເປ’. ຊປ຺ປນ຺ໂຕ ‘ຊປ຺ປ=ວຈເນ’. ປຐນ຺ໂຕ ‘ປຐ=ອຸຈ຺ຈາຣເຓ’ ປຈນ຺ໂຕ ‘ປຈ=ປາເກ’ຘາຣຍນ຺ໂຕ ‘ຘຣ=ຘາຣເຓ’. ປໂຍຊກພ຺ຍາປາເຣ ຓິ, ຘຣິຕຸໍ ປຍຸຎ຺ຊມາໂນ ຘາຣຍນ຺ໂຕ. ທິສ຺ສນ຺ໂຕ ທິສ ທຸສ=ອປ຺ປິຕິຍໍ’’ ທິວາທີຫິ ຍກ’’ (໕-໑໒) ຍຊນ຺ໂຕ ‘ຍຊ-ເທວປູຊາຍໍ’. ອຣຫນ຺ໂຕ ‘ອຣຫ-ປູຊາຍໍ. ຍຖາຈາຕິອາທິນາ ອປຐມາສມານາຘິກຣຓາທີສຸ ‘ສໍວິຊ຺ຊມາໂນ ວິໂຣຈມານໍ ຊປ຺ປມາໂນ’ຈ຺ຈາທີສຸ ມາໂນ ນ຺ໂຕ ວິຍ ທຏ຺ຐພ຺ໂພຕິ ວທຕິ.