໖໐. ອາຫາ

ອາຘາເຣເຈຕິ ອນຸວຸຕ຺ຕິຍາ ເອຕ຺ຖ ຈກາຣໂຕ ‘ຍຖາປຕ຺ຕຎ຺ເຈ’ຕິ ສມ຺ພນ຺ຘາ ວຸຕ຺ຕນ຺ຕິ ເສໂສ. ເອວໍ ນ ກຸໂຕຈິ ອປກສ຺ສນໍ ສິຍາຕິ ເອວມາຘາຣາທິເກ ອນຸວຕ຺ຕມາເນ ສຕິ ກຸໂຕຈິ ອາຘາຣາທິໂຕ ອປກສ຺ສນໍ ວິສຸໍ ກຣຓໍ ນ ສິຍາຕິ ອຕ຺ໂຖ. ຕຖາ ສຕິ ເຫຏ຺ຐາ ສຸຕ຺ເຕເນກໂຍຄເມວ ກເຣຍ຺ຍາຕິ ອຘິປ຺ປາໂຍ. ຠາວກມ຺ເມສູຕິ ສມ຺ພຊ຺ຌເຕຕິ ໂຍຊນາ.

ພຫຸລສ຺ສ ຠາໂວ ກມ຺ມໍວາຕິ ພຫ຺ວຕ຺ຖາທານເມວາຕ຺ຣ ພຫຸລສທ຺ທສ຺ສ ປວຕ຺ຕິນິມິຕ຺ຕໍ ຠາໂວ ກມ຺ມໍເຈຕິ ຕຕ຺ຖ ປຈ຺ຈໂຍ. ເກຈີຕິ ປາຓິນິເຍ ເຍວ ສນ຺ຘາຍາຫ. ຕສ຺ສາປິ ຠູເຕເຍວ ປວຕ຺ຕິມຸປທິສຕິ ‘ໂສປິ’ຈ຺ຈາທິ

ນາ. ຠິຊ຺ຊມານນ຺ຕິ ປຈ຺ຈມານໍ. ປຣຣູເປນ ປສ຺ສິນ຺ໂນຕິ ໂຍຊນາ. ເກຈິຕິ ເຕເຍວ. ‘‘ມຕິພຸທ຺ຘິປູຊຕ຺ເຖຫິ ເຈ’’ຕິ (໓-໒-໑໘໘) ເຕສໍ ສຸຕ຺ເຕ ຈສທ຺ທາກຑ຺ຒິເຕ ທສ຺ເສຕິ ‘ຍຖາ’ຕິອາທິນາ. ອກ຺ໂກຈ຺ຉິ ຕນ຺ຕິ ກມ຺ເມ ວິຄ຺ຄຫມາຫ, ຕນ຺ຕິ ກມ຺ມປທໍ, ເອວມຸປຣິປິ ຈຸຣາທິຓິໂລເປ ‘‘ນິມິຕ຺ຕາຠາເວ ເນມິຕ຺ຕິກສ຺ສາປ຺ຍຠາໂວ’’ຕ຺ຍາກາຣນິວຕ຺ຕິ. ກສິຣຍໍ ຄຕ຺ຍາທ຺ຍເນ ກຕ຺ໂຖ, ກຏ຺ຐໍຕ຺ຍຕ຺ຣ ກິມຕ຺ໂຖຕິ ອາຫ- ‘ເອຕ຺ຖ ຫິໍສຕ຺ໂຖ’ຕິ.

ເຫຕຸໂນຕິ ທຸກ຺ຂຜລສ຺ສ ເຫຕຸໂນ ອຄ຺ຍາທິໂນ. ກຏ຺ຐສທ຺ທສ຺ສ ຜລເຫຕຸຠູເຕ ອຄ຺ຍາທິເກ ວຕ຺ຕມາເນ ເອວໍ ໂຫຕຸ ຜເລວຕ຺ຕມາເນ ກຖນ຺ຕິ ອາຫ- ‘ຍທາປນາ’ຕິອາທິ. ໂກຘາຕິໂກ ອິຘ.