໓໑. ກີຈ຺ຈ

ກມ຺ມກໂຣ ຠຣິຕພ຺ພຕາເຍຈ຺ຈາທິນາ ກິຣິຍາສທ຺ທຕ຺ຕໍ ຠຈ຺ຈສທ຺ທສ຺ສ ທສ຺ເສນ຺ໂຕ ສຎ຺ຎາຠາວມປາກໂຣຕິ. ‘‘ສຎ຺ຎາຍໍ ຠຣາ’’ຕິ ຈ ຄຓສຸຕ຺ຕນ຺ຕິ ທຏ຺ຐພ຺ພໍ, ເຕນາຫ- ‘ສຎ຺ຎາຍໍ ຠຣາ’ຕິອາທິ.

ອຠຣິຕພ຺ພາປິຈ຺ຈາທິນາ ອິທໍ ທີເປຕິ ທຸວິຘາ ສຎ຺ຎາສທ຺ທາ ເກຈິ ທຈ຺ຈນ຺ຕ ວິຄຕາວຍວຕ຺ຖາ ຍຖາ ຑິຕ຺ຖາທໂຍ, ເກຈິທວຍວຕ຺ຖານຸຄຕາຍຖາ ສຕ຺ຕປຓ຺ຓາທໂຍ, ຕຕ຺ຖ ຠຣິຍາສທ຺ທສ຺ສ ກມ຺ມມ຺ປວຕ຺ຕິນິມິຕ຺ຕໍ ‘ຠຣິຕພ຺ພາ ຠຣິຍາ’ຕິ, ຍຖາ ສຕ຺ຕ ປຓ຺ຓານິ ອສ຺ສາຕິ ສມ຺ພນ຺ໂຘ ປວຕ຺ຕິນິມິຕ຺ຕໍ ສຕ຺ຕປຓ຺ຓສທ຺ທສ຺ສ, ເອຕຎ຺ຈ ປວຕ຺ຕິນິມິຕ຺ຕໍ ສທ຺ທນິປ຺ຜຕ຺ຕິກິຣິຍາຍເມໂວປທິສີຍເຕ, ກ຺ວຈິເທວ ຕ຺ວຕ຺ຖວິເສເສ ສຕ຺ຍສຕິ ວາ ຕສ຺ມິໍ ນິມິຕ຺ເຕ ສທ຺ໂທ ວຕ຺ຕຕີ’’ຕິ. ໂອກາຣສ຺ສາຕິ ‘‘ຍຸວຓ຺ຓານເມ ໂອປ຺ປຈ຺ຈເຍ’’ຕິ (໕-໘໒) ກຕໂອກາຣສ຺ສ.