໑໔໒. ອຘາ

ຘາຕຸໂຕ ອຎ຺ໂຎ ສທ຺ໂທ ອຘາຕຸ ຕສ຺ສ. ປຎ຺ຈິກາຍມ຺ປນ ປກຕິປິ ສທ຺ໂທເຍວາຕິ ຘາຕຸໂຕອິຈ຺ຈາທິນາ ອຘາຕຸສທ຺ທສ຺ສ ອຕ຺ຖມຕ຺ຕໍ ວຸຕ຺ຕໍ.

ຕສ຺ສາຕິ ອຘາຕຸປ຺ປກຕິຍາ, ອຘາຕຸສທ຺ທສ຺ສາຕິ ວຸຕ຺ຕໍ ໂຫຕິ. ເຕນຈາຕິ ກກາເຣນ ຈ, ຕສ຺ມາຕິ ເຕນ ກາຣເຓນ. ປຸພ຺ພຄ຺ຄຫຓມນ຺ຕເຣນາຕິປາຓິນິນາ ອິກາຣາເທສວິຘາຍເກ ອິມສ຺ມິໍເຍວ ສຸຕ຺ເຕກກາຣໂຕ ປຸພ຺ພສ຺ສ ອິກາຣາເທສວິຘານຕ຺ຖໍ ປຸພ຺ພຄ຺ຄຫຓໍ ກຕໍ, ຕໍ ປຸພ຺ພສ຺ສາຕິວຈນໍ ວິນາຕິ ອຕ຺ໂຖ. ສເຈຕິອາທິນາ ກຖຍຕີຕິ ສມ຺ພນ຺ໂຘ. ‘‘ພ຺ຍຎ຺ຊເນ ທີຆຣສ຺ສາ’’ຕິ (໑-໓໓) ຣສ຺ໂສ ວຸຕ຺ໂຕ, ອສ຺ສາຕິ ຊາຕິນິທ຺ເທເສ ຕຸ ອາກາຣສ຺ສຈິກາໂຣ ຠວຕ຺ເຍວ, ສິຍາ ເອຕນ຺ຕິ ພຫຸປຣິພ຺ພາຊກາຕິ ເອຕໍ ຣູປໍ ໂຫຕິ. ສ຺ຍາທ຺ຍຕ຺ຣ ພ຺ຍວຫິໂຕ… ກກາຣໂຕ ປຸພ຺ເພ ສ຺ຍາທິ, ນ ສ຺ຍາທິ ກກາຣາ ປໂຣຕິ.

ນນຸ ຈ ອສ຺ຍາທິໂຕຕິ ເອຕ຺ຖ ປສຊ຺ຊປ຺ປຏິເສໂຘ ນຎ ກສ຺ມາ ຄຫິໂຕ, ນ ປຣິຍຸໂທໂສຕິ ອາສງ຺ກິຍ ປຣິຍຸທາເສສ຺ມິໍ ຄຫິເຕ ສຕິ ໂທສໍ ວຕ຺ຕຸມາຣຠເຕ ‘ປຣິຍຸທາເສ’ອິຈ຺ຈາທິນາ. ສ຺ຍາທິໂຕຕິ ສ຺ຍາທ຺ຍນ຺ຕໂຕ ປຣິພ຺ພາຊກສທ຺ທໂຕ. ປຣິພ຺ພາຊກສທ຺ໂທຫິ ສ຺ຍາທ຺ຍນ຺ໂຕ ວາກ຺ເຍ ສ຺ຍາທ຺ຍນ຺ຕຕ຺ຕາ, ເຕເນວ ວກ຺ຂຕິ- ‘ປຣິພ຺ພາຊກສທ຺ທໂຕ ເອຕ຺ຖ ສ຺ຍາທ຺ຍຸປ຺ປຕ຺ຕີ’ຕິ. ອສ຺ຍາທິສ຺ມາ ປໂຣຕິ ກຕ຺ວາ ພຫຸປຣິພ຺ພາຊກສທ຺ທໂຕ ນ ສ຺ຍາທ຺ຍຸປ຺ປຕ຺ຕີຕິ ສມ຺ພນ຺ໂຘ.

ຕໂຕຈາຕິ ພຫຸປຣິພ຺ພາຊກສທ຺ທໂຕ ຈ. ປສຊ຺ຊປ຺ປຏິເສເຘນ ນຎສທ຺ເທນ ອຎ຺ຎປທຕ຺ຖສມາເສປິ ສິຍາວ ໂທໂສຕິ ທສ຺ເສນ຺ໂຕ ອາຫ- ‘ອວິຊ຺ຊມາໂນສ຺ຍາທິ’ຈ຺ຈາທິ.

ອິຕິ ໂມຄ຺ຄລ຺ລານປຎ຺ຈິກາຏີກາຍໍ ສາຣຕ຺ຖວິລາສິນິຍໍ

ຈຕຸຕ຺ຖກຓ຺ຑວຓ຺ຓນາ ນິຏ຺ຐິຕາ.