೧೦. ಚೀವರಾಪನಿಧಾನಸಿಕ್ಖಾಪದವಣ್ಣನಾ

೩೭೯. ದಸಮೇ ಯಸ್ಮಾ ನಿಸೀದನಸನ್ಥತಂ ಚೀವರನಿಸೀದನಮ್ಪೀತಿ ಉಭಯಮ್ಪಿ ಸದಸಮೇವ, ತಸ್ಮಾ ತಂ ಉಭಯಮ್ಪಿ ಏಕತೋ ಕತ್ವಾ ‘‘ನಿಸೀದನಂ ನಾಮ ಸದಸಂ ವುಚ್ಚತೀ’’ತಿ ಆಹ. ತತ್ಥಾಪಿ ಚೀವರಗ್ಗಹಣೇನ ಚೀವರನಿಸೀದನಂ ಗಹಿತಮೇವಾತಿ ಅತ್ಥತೋ ಸನ್ಥತನಿಸೀದನಮೇವ ವುತ್ತಂ ಹೋತಿ. ಯದಿ ಏವಂ ‘‘ನಿಸೀದನಸನ್ಥತಂ ನಾಮ ಸದಸಂ ವುಚ್ಚತೀ’’ತಿ ವತ್ತಬ್ಬನ್ತಿ? ನ, ಇತರಸ್ಸ ಅನಿಸೀದನಅದಸಭಾವಪ್ಪಸಙ್ಗತೋ. ಏತ್ಥ ನಿಸೀದನಸನ್ಥತಸ್ಸ ಪಾಚಿತ್ತಿಯವತ್ಥುತ್ತಾ ಇತರಮ್ಪಿ ಪಾಚಿತ್ತಿಯವತ್ಥುಮೇವಾತಿ ವೇದಿತಬ್ಬಂ ತಜ್ಜಾತಿಕತ್ತಾ. ಸಸ್ಸಾಮಿಕೇ ಸೂಚಿಘರೇ ಸೂಚಿಗಣನಾಯ ಆಪತ್ತಿಯೋತಿ ಪೋರಾಣಾ.

ಚೀವರಾಪನಿಧಾನಸಿಕ್ಖಾಪದವಣ್ಣನಾ ನಿಟ್ಠಿತಾ.

ಸಮತ್ತೋ ವಣ್ಣನಾಕ್ಕಮೇನ ಸುರಾಪಾನವಗ್ಗೋ ಛಟ್ಠೋ.