೬. ಚೀವರಸಿಬ್ಬನಸಿಕ್ಖಾಪದವಣ್ಣನಾ

೧೭೬. ವಞ್ಚೇತ್ವಾತಿ ‘‘ತವ ಞಾತಿಕಾಯಾ’’ತಿ ಅವತ್ವಾ ‘‘ಏಕಿಸ್ಸಾ ಭಿಕ್ಖುನಿಯಾ’’ತಿ ಏತ್ತಕಮೇವ ವತ್ವಾ, ತೇ ಹಿ ‘‘ಏಕಿಸ್ಸಾ’’ತಿ ವಚನಂ ಸುತ್ವಾ ಅಞ್ಞಾತಿಕಾಯ ಸನ್ತಕಸಞ್ಞಿನೋ ಸಿಬ್ಬೇಸುಂ. ಇಮಸ್ಮಿಂ ಸಿಕ್ಖಾಪದೇ ‘‘ಚೀವರಂ ನಾಮ ಛನ್ನಂ ಚೀವರಾನಂ ಅಞ್ಞತರಂ ಚೀವರ’’ನ್ತಿ ಏತ್ತಕಮೇವ ಪಾಳಿ, ತೇನ ವುತ್ತಂ ‘‘ಚೀವರನ್ತಿ ಯಂ ನಿವಾಸೇತುಂ ವಾ ಪಾರುಪಿತುಂ ವಾ’’ತಿಆದಿ. ‘‘ವಿಕಪ್ಪನುಪಗಂ ಪಚ್ಛಿಮ’’ನ್ತಿ ಚ ಲಿಖಿತಂ, ಸೋ ಪಮಾದಲೇಖೋ.

ಚೀವರಸಿಬ್ಬನಸಿಕ್ಖಾಪದವಣ್ಣನಾ ನಿಟ್ಠಿತಾ.