೬. ದುತಿಯಸಹಸೇಯ್ಯಸಿಕ್ಖಾಪದವಣ್ಣನಾ

೫೫. ‘‘ಅಥ ಖೋ ತೇ ಮನುಸ್ಸಾ’’ತಿ ಚ ‘‘ತೇ ಅದ್ಧಿಕಾ’’ತಿ ಚ ಪಾಠೋ. ‘‘ಏಕರತ್ತ’’ನ್ತಿಪಿ ಅತ್ಥಿ, ಸೋ ನ ಸುನ್ದರೋ. ಪಣ್ಡಕೇ ಪಾಳಿಯಂ ದುಕ್ಕಟಸ್ಸ ವುತ್ತತ್ತಾ ‘‘ಉಭತೋಬ್ಯಞ್ಜನೇಹಿ ಮೂಲಾಪತ್ತೀತಿ ದಿಸ್ಸತೀ’’ತಿ, ‘‘ಅನಿಮಿತ್ತಾದಯೋ ಇತ್ಥಿಯೋವಾ’’ತಿ ಚ ವದನ್ತಿ ಉಭತೋಬ್ಯಞ್ಜನಕೇ ವುತ್ತಂ ವಿಯ. ಕಿಞ್ಚಾಪಿ ಮತಿತ್ಥೀ ಪಾರಾಜಿಕವತ್ಥು ಹೋತಿ, ಅನುಪಾದಿನ್ನಪಕ್ಖೇ ಠಿತತ್ತಾ ಪನ ಇಧ ಆಪತ್ತಿಂ ನ ಕರೋತಿ. ಪಾರಾಜಿಕಾಪತ್ತಿಟ್ಠಾನಞ್ಚೇತ್ಥ ನ ಓಲೋಕೇತಬ್ಬಂ.

ದುತಿಯಸಹಸೇಯ್ಯಸಿಕ್ಖಾಪದವಣ್ಣನಾ ನಿಟ್ಠಿತಾ.