೪. ಅನುರಾಧಸುತ್ತವಣ್ಣನಾ

೮೬. ತಸ್ಸೇವ ವಿಹಾರಸ್ಸಾತಿ ಮಹಾವನೇ ಯಸ್ಮಿಂ ವಿಹಾರೇ ಭಗವಾ ವಿಹರತಿ, ತಸ್ಸೇವ ವಿಹಾರಸ್ಸ. ಇಮೇತಿ ಅಞ್ಞತಿತ್ಥಿಯಾ. ಯಸ್ಮಾ ಅಯಂ ಥೇರೋ ಠಪನೀಯಂ ಪಞ್ಹಂ ಠಪನೀಯಭಾವೇನ ನ ಠಪೇಸಿ, ತಸ್ಮಾ. ಅಞ್ಞತಿತ್ಥಿಯಾ…ಪೇ… ಏತದವೋಚುಂ. ತೇನಾಹ ‘‘ಏಕದೇಸೇನ ಸಾಸನಸಮಯಂ ಜಾನನ್ತಾ’’ತಿ.

ಗಹಿತಮೇವ ಹೋತಿ ತತೋ ಪಗೇವ ಸಿದ್ಧತ್ತಾ. ತೇನಾಹ ‘‘ತಸ್ಸ ಮೂಲತ್ತಾ’’ತಿ. ಏವನ್ತಿ ‘‘ದುಕ್ಖಞ್ಚೇವ ಪಞ್ಞಪೇಮಿ, ದುಕ್ಖಸ್ಸ ಚ ನಿರೋಧ’’ನ್ತಿ ಏವಂ. ವಟ್ಟವಿವಟ್ಟಮೇವಾತಿ ಪಞ್ಚನ್ನಂ ಪನ ಖನ್ಧಾನಂ ಸಮನುಪಸ್ಸನಾಯ ವಸೇನ ವಟ್ಟಂ, ‘‘ಏವಂ ಪಸ್ಸ’’ನ್ತಿಆದಿನಾ ವಿವಟ್ಟಂ ಕಥಿತಮೇವ.

ಅನುರಾಧಸುತ್ತವಣ್ಣನಾ ನಿಟ್ಠಿತಾ.