೮. ತತಿಯಓವಾದಸುತ್ತವಣ್ಣನಾ

೧೫೧. ಪುಬ್ಬೇತಿ ಪಠಮಬೋಧಿಯಂ. ಏತರಹೀತಿ ತತೋ ಪಚ್ಛಿಮೇ ಕಾಲೇ. ಕಾರಣಪಟ್ಠಪನೇತಿ ಕಾರಣಾರಮ್ಭೇ. ತೇಸು ವುತ್ತಗುಣಯುತ್ತೇಸು ಥೇರೇಸು. ತಸ್ಮಿನ್ತಿ ತಸ್ಮಿಂ ಯಥಾವುತ್ತಗುಣಯುತ್ತೇ ಪುಗ್ಗಲೇ. ಏವಂ ಸಕ್ಕಾರೇ ಕಯಿರಮಾನೇತಿ ‘‘ಭದ್ದಕೋ ವತಾಯಂ ಭಿಕ್ಖೂ’’ತಿ ಆದರಜಾತೇಹಿ ಭಿಕ್ಖೂಹಿ ಸಕ್ಕಾರೇ ಕಯಿರಮಾನೇ. ಇಮೇ ಸಬ್ರಹ್ಮಚಾರೀ. ‘‘ಏಹಿ ಭಿಕ್ಖೂ’’ತಿ ತಂ ಭಿಕ್ಖುಂ ಅತ್ತನೋ ಮುಖಾಭಿಮುಖಂ ಕರೋನ್ತಾ ವದನ್ತಿ. ಯಞ್ಹಿ ತನ್ತಿ ಏತ್ಥ ತನ್ತಿ ನಿಪಾತಮತ್ತಂ ಉಪದ್ದವೋತಿ ವುಚ್ಚತಿ ಅನತ್ಥಜನನತೋ. ಪತ್ಥಯತಿ ಭಜತಿ ಬಜ್ಝತೀತಿ ಪತ್ಥನಾ, ಅಭಿಸಙ್ಗೋತಿ ಆಹ ‘‘ಅಭಿಪತ್ಥನಾತಿ ಅಧಿಮತ್ತಪತ್ಥನಾ’’ತಿ.

ತತಿಯಓವಾದಸುತ್ತವಣ್ಣನಾ ನಿಟ್ಠಿತಾ.