೯. ಝಾನಾಭಿಞ್ಞಸುತ್ತವಣ್ಣನಾ

೧೫೨. ಯಾವದೇವಾತಿ ಇಮಿನಾ ಸಮಾನತ್ಥಂ ‘‘ಯಾವದೇ’’ತಿ ಇದಂ ಪದನ್ತಿ ಆಹ ‘‘ಯಾವದೇ ಆಕಙ್ಖಾಮೀತಿ ಯಾವದೇವ ಇಚ್ಛಾಮೀ’’ತಿ. ಯದಿಚ್ಛಕಂ ಝಾನಸಮಾಪತ್ತೀಸು ವಸೀಭಾವದಸ್ಸನತ್ಥಂ ತದೇತಂ ಆರದ್ಧಂ. ವಿತ್ಥಾರಿತಮೇವ, ತಸ್ಮಾ ತತ್ಥ ವಿತ್ಥಾರಿತಮೇವ ಗಹೇತಬ್ಬನ್ತಿ ಅಧಿಪ್ಪಾಯೋ. ಆಸವಾನಂ ಖಯಾತಿ ಆಸವಾನಂ ಖಯಹೇತು ಅರಿಯಮಗ್ಗೇನ ಸಬ್ಬಸೋ ಆಸವಾನಂ ಖೇಪಿತತ್ತಾ. ಅಪಚ್ಚಯಭೂತನ್ತಿ ಆರಮ್ಮಣಪಚ್ಚಯಭಾವೇನ ಅಪಚ್ಚಯಭೂತಂ.

ಝಾನಾಭಿಞ್ಞಸುತ್ತವಣ್ಣನಾ ನಿಟ್ಠಿತಾ.