೯. ನವಮಸಿಕ್ಖಾಪದಂ

೧೧೫೮. ನವಮೇ ಅನ್ತೋತಿ ಅಬ್ಭನ್ತರೇ. ಇಮಿನಾ ಆತ್ಯೂಪಸಗ್ಗಸ್ಸತ್ಥಂ ದಸ್ಸೇತಿ. ‘‘ಸೋಕ’’ನ್ತಿಆದಿನಾ ಅನ್ತೋ ವಾಸೇತಿ ಪವೇಸೇತೀತಿ ಆವಾಸಾ. ಸೋಕಂ ಆವಾಸಾ ಸೋಕಾವಾಸಾತಿ ವಚನತ್ಥಂ ದಸ್ಸೇತಿ. ಘರಂ ಘರಸಾಮಿಕಾ ಆವಿಸನ್ತಿ ವಿಯ, ಏವಂ ಅಯಮ್ಪಿ ಸೋಕಂ ಆವಿಸತೀತಿ ಯೋಜನಾ. ಇತೀತಿ ಏವಂ. ಯನ್ತಿ ಸೋಕಂ. ಸ್ವಾಸ್ಸಾತಿ ಸೋ ಅಸ್ಸಾ. ಸೋತಿ ಸೋಕೋ. ಅಸ್ಸಾತಿ ಸಿಕ್ಖಮಾನಾಯ. ಆವಾಸೋತಿ ಆವಾಸೋಕಾಸೋ. ‘‘ಏದಿಸಾ ಅಯ’’ನ್ತಿ ಇಮಿನಾ ‘‘ಅಜಾನನ್ತೀ’’ತಿ ಏತ್ಥ ಅಜಾನನಾಕಾರಂ ದಸ್ಸೇತೀತಿ. ನವಮಂ.