೫. ಪಞ್ಚಮಸಿಕ್ಖಾಪದಂ

೧೦೪೩. ಪಞ್ಚಮೇ ‘‘ಕುಲೇ ಮಚ್ಛರೋ’’ತಿ ಏತ್ಥ ಮಚ್ಛರನಂ ಮಚ್ಛರೋತಿ ವಚನತ್ಥೋ ಕಾತಬ್ಬೋ. ‘‘ತಂ ಕುಲಂ ಅಸ್ಸದ್ಧಂ ಅಪ್ಪಸನ್ನ’’ನ್ತಿ ಕುಲಸ್ಸ ಅವಣ್ಣಂ ಭಾಸತೀತಿ ಯೋಜನಾ. ‘‘ಭಿಕ್ಖುನಿಯೋ ದುಸ್ಸೀಲಾ ಪಾಪಧಮ್ಮಾ’’ತಿ ಭಿಕ್ಖುನೀನಂ ಅವಣ್ಣಂ ಭಾಸತೀತಿ ಯೋಜನಾ.

೧೦೪೫. ‘‘ಸನ್ತಂಯೇವ ಆದೀನವ’’ನ್ತಿ ಸಮ್ಬನ್ಧಿಯಾ ಸಮ್ಬನ್ಧಂ ದಸ್ಸೇತುಂ ವುತ್ತಂ ‘‘ಕುಲಸ್ಸ ವಾ ಭಿಕ್ಖುನೀನಂ ವಾ’’ತಿ ಇಮಿನಾ ದ್ವೀಸು ಅಞ್ಞತರಮೇವ ನ ಸಮ್ಬನ್ಧೋ ಹೋತಿ, ಅಥ ಖೋ ದ್ವಯಮ್ಪೀತಿ ದಸ್ಸೇತೀತಿ. ಪಞ್ಚಮಂ.