೧೨. ಪರಿಣಾಮನಸಿಕ್ಖಾಪದವಣ್ಣನಾ

ಏಕೋ ಭಿಕ್ಖು ಉಕ್ಖಿತ್ತಕಸ್ಸ ದಾತುಕಾಮೋ ಹೋತಿ, ತಸ್ಸ ದಾನಂ ನಿವಾರೇತ್ವಾ ಅಞ್ಞಸ್ಸ ದಾಪೇತಿ, ಅನಾಪತ್ತಿ. ತಥಾ ಸದ್ಧಾದೇಯ್ಯವಿನಿಪಾತನಂ ಕರೋನ್ತಸ್ಸ ದಾಪೇತಿ, ಅತ್ತನೋ ನಿಸ್ಸಿತಕಾ ಇತ್ಥನ್ನಾಮಸ್ಸ ಪತ್ತಂ ದಾತುಕಾಮಾ ಆಪುಚ್ಛನ್ತಿ, ‘‘ವಿಸಭಾಗೋ ಏಸೋ, ಸಭಾಗಸ್ಸ ದೇಹೀ’’ತಿ ವದತಿ. ಅನಾಪತ್ತಿ ಅತ್ತನೋ ಭಾರಭೂತತ್ತಾ. ತಸ್ಸ ಪನ ದಾತುಕಾಮಂ ಅಞ್ಞಸ್ಸ ದಾಪೇತಿ, ಆಪತ್ತಿ ಏವ. ಸಬ್ಬತ್ಥ ಆಪುಚ್ಛಿತ್ವಾ ದಾತುಕಾಮಂ ಯಥಾಸುಖಂ ವಿಚಾರೇತುಂ ಲಭತಿ.

ಪರಿಣಾಮನಸಿಕ್ಖಾಪದವಣ್ಣನಾ ನಿಟ್ಠಿತಾ.

ಸಹಧಮ್ಮಿಕವಗ್ಗೋ ಅಟ್ಠಮೋ.