೫. ಉದಕಸುದ್ಧಿಕಸಿಕ್ಖಾಪದವಣ್ಣನಾ

ಆದಾತಬ್ಬನ್ತಿ ಪವೇಸೇತಬ್ಬಂ. ಅಗ್ಗಪಬ್ಬನ್ತಿ ಕೇಸಗ್ಗಮತ್ತಮ್ಪಿ ಅಗ್ಗಪಬ್ಬಂ. ತತಿಯಂ ಪಬ್ಬಂ ಪವೇಸೇತೀತಿ ಕೇಸಗ್ಗಮತ್ತಮ್ಪಿ ತತಿಯಂ ಪಬ್ಬಂ ಪವೇಸೇತಿ. ವುತ್ತಞ್ಹೇತಂ ಸಮನ್ತಪಾಸಾದಿಕಾಯಂ (ಪಾಚಿ. ಅಟ್ಠ. ೮೧೨) ‘‘ಗಮ್ಭೀರತೋ ದ್ವಿನ್ನಂ ಪಬ್ಬಾನಂ ಉಪರಿ ಕೇಸಗ್ಗಮತ್ತಮ್ಪಿ ಪವೇಸೇನ್ತಿಯಾ ಪಾಚಿತ್ತಿಯ’’ನ್ತಿ.

ಅತಿಗಮ್ಭೀರಂ ಉದಕಸುದ್ಧಿಕಂ ಆದಿಯನವತ್ಥುಸ್ಮಿನ್ತಿ ಅತಿಅನ್ತೋ ಪವೇಸೇತ್ವಾ ಉದಕಧೋವನಕರಣವತ್ಥುಸ್ಮಿಂ. ಉದಕಸುದ್ಧಿಪಚ್ಚಯೇನ (ಸಾರತ್ಥ. ಟೀ. ಪಾಚಿತ್ತಿಯ ೩.೮೧೨) ಪನ ಸತಿಪಿ ಫಸ್ಸಸ್ಸಾದಿಯನೇ ಯಥಾವುತ್ತಪರಿಚ್ಛೇದೇ ಅನಾಪತ್ತಿ.

ಉದಕಸುದ್ಧಿಕಸಿಕ್ಖಾಪದವಣ್ಣನಾ ನಿಟ್ಠಿತಾ.