೧೦. ಅಸಞ್ಞಸತ್ತುಪಿಕಾಕಥಾವಣ್ಣನಾ

೭೩೫. ಸಞ್ಞಾವಿರಾಗವಸೇನ ಪವತ್ತಭಾವನಾ ಅಸಞ್ಞಸಮಾಪತ್ತಿಪೀತಿ ಲದ್ಧಿಕಿತ್ತನೇ ಸಞ್ಞಾವಿರಾಗವಸೇನ ಪವತ್ತಭಾವನಂ ಚತುತ್ಥಜ್ಝಾನಸಮಾಪತ್ತಿಂ ‘‘ಅಸಞ್ಞಸಮಾಪತ್ತೀ’’ತಿ ಅಗ್ಗಹೇತ್ವಾ ಸಾಪಿ ಅಸಞ್ಞಿತಾ ಸಞ್ಞಾವೇದಯಿತನಿರೋಧಸಮಾಪತ್ತಿಯೇವ ನಾಮಾತಿ ಪರಸ್ಸ ಲದ್ಧೀತಿ ದಸ್ಸೇತಿ. ಯಸ್ಮಾ ಅಸಞ್ಞಸಮಾಪತ್ತಿಂ ಸಮಾಪನ್ನಸ್ಸ ಅಲೋಭಾದಯೋ ಅತ್ಥೀತಿ ಏತ್ಥ ಸಕಸಮಯಸಿದ್ಧಾ ಚತುತ್ಥಜ್ಝಾನಸಮಾಪತ್ತಿ ‘‘ಅಸಞ್ಞಸಮಾಪತ್ತೀ’’ತಿ ವುತ್ತಾ.

೭೩೬. ಸಞ್ಞಾವಿರಾಗವಸೇನ ಸಮಾಪನ್ನತ್ತಾ ಅಸಞ್ಞಿತಾ, ನ ಸಞ್ಞಾಯ ಅಭಾವತೋತಿ ಚತುತ್ಥಜ್ಝಾನಸಮಾಪತ್ತಿಮೇವ ಸನ್ಧಾಯ ವದತಿ.

ಅಸಞ್ಞಸತ್ತುಪಿಕಾಕಥಾವಣ್ಣನಾ ನಿಟ್ಠಿತಾ.