೧೧. ಕಮ್ಮೂಪಚಯಕಥಾವಣ್ಣನಾ

೭೩೮-೭೩೯. ಕಮ್ಮೇನ ಸಹಜಾತೋತಿ ಪಞ್ಹೇಸು ‘‘ಕಮ್ಮೂಪಚಯಂ ಸನ್ಧಾಯ ಪಟಿಕ್ಖಿಪತಿ, ಚಿತ್ತವಿಪ್ಪಯುತ್ತಂ ಸನ್ಧಾಯ ಪಟಿಜಾನಾತೀ’’ತಿ ಕತ್ಥಚಿ ಪಾಠೋ, ‘‘ಚಿತ್ತಸಮ್ಪಯುತ್ತಂ ಸನ್ಧಾಯ ಪಟಿಕ್ಖಿಪತಿ, ಚಿತ್ತವಿಪ್ಪಯುತ್ತಂ ಸನ್ಧಾಯ ಪಟಿಜಾನಾತೀ’’ತಿ ಅಞ್ಞತ್ಥ. ಉಭಯಮ್ಪಿ ವಿಚಾರೇತಬ್ಬಂ.

೭೪೧. ತಸ್ಮಾತಿ ತಿಣ್ಣಮ್ಪಿ ಏಕಕ್ಖಣೇ ಸಬ್ಭಾವತೋ ತಿಣ್ಣಂ ಫಸ್ಸಾನಞ್ಚ ಸಮೋಧಾನಾ ಚ ಏಕತ್ತಂ ಪುಚ್ಛತೀತಿ ಅಧಿಪ್ಪಾಯೋ ದಟ್ಠಬ್ಬೋ.

ಕಮ್ಮೂಪಚಯಕಥಾವಣ್ಣನಾ ನಿಟ್ಠಿತಾ.

ಪನ್ನರಸಮವಗ್ಗವಣ್ಣನಾ ನಿಟ್ಠಿತಾ.

ತತಿಯೋ ಪಣ್ಣಾಸಕೋ ಸಮತ್ತೋ.