೧೦. ದಸಕನಿದ್ದೇಸವಣ್ಣನಾ

೨೦೯. ಪಞ್ಚನ್ನಂ ಇಧ ನಿಟ್ಠಾ, ಪಞ್ಚನ್ನಂ ಇಧ ವಿಹಾಯ ನಿಟ್ಠಾತಿ ಏತ್ಥ ಯೇ ಸೋತಾಪನ್ನಾದಯೋ ರೂಪಾರೂಪಭವೇ ಉಪಪಜ್ಜಿತ್ವಾ ಪರಿನಿಬ್ಬಾಯಿಸ್ಸನ್ತಿ, ತೇ ಇಧ ವಿಹಾಯ ನಿಟ್ಠಾಪಕ್ಖಂ ಭಜಮಾನಾಪಿ ಅಜ್ಝತ್ತಸಂಯೋಜನಾನಂ ಅಸಮುಚ್ಛಿನ್ನತ್ತಾ ಪುಥುಜ್ಜನಸಾಧಾರಣೇ ಚ ಠಾನೇ ಉಪಪತ್ತಿಯಾ ನ ಗಹಿತಾ. ಅಸಾಧಾರಣಟ್ಠಾನುಪ್ಪತ್ತಿವಸೇನ ಪನ ಅನ್ತರಾಪರಿನಿಬ್ಬಾಯೀಆದಯೋ ಏವ ‘‘ಇಧ ವಿಹಾಯ ನಿಟ್ಠಾ’’ತಿ ವುತ್ತಾತಿ ವೇದಿತಬ್ಬಾತಿ.

ದಸಕನಿದ್ದೇಸವಣ್ಣನಾ ನಿಟ್ಠಿತಾ.

ಪುಗ್ಗಲಪಞ್ಞತ್ತಿಪಕರಣ-ಮೂಲಟೀಕಾ ಸಮತ್ತಾ.