೩೩೬. ಬ್ರಹಾಛತ್ತಜಾತಕಂ (೪-೪-೬)

೧೪೧. ತಿಣಂ ತಿಣನ್ತಿ ಲಪಸಿ, ಕೋ ನು ತೇ ತಿಣಮಾಹರಿ;

ಕಿಂ ನು ತೇ ತಿಣಕಿಚ್ಚತ್ಥಿ, ತಿಣಮೇವ ಪಭಾಸಸಿ.

೧೪೨. ಇಧಾಗಮಾ ಬ್ರಹ್ಮಚಾರೀ, ಬ್ರಹಾ ಛತ್ತೋ ಬಹುಸ್ಸುತೋ;

ಸೋ ಮೇ [ಸೋ ವೇ (ಕ.)] ಸಬ್ಬಂ ಸಮಾದಾಯ, ತಿಣಂ ನಿಕ್ಖಿಪ್ಪ ಗಚ್ಛತಿ.

೧೪೩. ಏವೇತಂ ಹೋತಿ ಕತ್ತಬ್ಬಂ, ಅಪ್ಪೇನ ಬಹುಮಿಚ್ಛತಾ;

ಸಬ್ಬಂ ಸಕಸ್ಸ ಆದಾನಂ, ಅನಾದಾನಂ ತಿಣಸ್ಸ ಚ. ( ) [(ತಿಣಸ್ಸ ಚಾಟೀಸು ಗತೋ, ತತ್ಥ ಕಾ ಪರಿದೇವನಾ) (ಸೀ. ಸ್ಯಾ.) (ಚಾಟೀಸು ಪಕ್ಖಿಪಿತ್ವಾನ, ತತ್ಥ ಕಾ ಪರಿದೇವನಾ) (ಕ.)]

೧೪೪. ಸೀಲವನ್ತೋ ನ ಕುಬ್ಬನ್ತಿ, ಬಾಲೋ ಸೀಲಾನಿ ಕುಬ್ಬತಿ;

ಅನಿಚ್ಚಸೀಲಂ ದುಸ್ಸೀಲ್ಯಂ [ದುಸ್ಸೀಲಂ (ಪೀ.)], ಕಿಂ ಪಣ್ಡಿಚ್ಚಂ ಕರಿಸ್ಸತೀತಿ.

ಬ್ರಹಾಛತ್ತಜಾತಕಂ ಛಟ್ಠಂ.