೩೧೮. ಕಣವೇರಜಾತಕಂ (೪-೨-೮)

೬೯. ಯಂ ತಂ ವಸನ್ತಸಮಯೇ, ಕಣವೇರೇಸು ಭಾಣುಸು;

ಸಾಮಂ ಬಾಹಾಯ ಪೀಳೇಸಿ, ಸಾ ತಂ ಆರೋಗ್ಯಮಬ್ರವಿ.

೭೦. ಅಮ್ಭೋ ನ ಕಿರ ಸದ್ಧೇಯ್ಯಂ, ಯಂ ವಾತೋ ಪಬ್ಬತಂ ವಹೇ;

ಪಬ್ಬತಞ್ಚೇ ವಹೇ ವಾತೋ, ಸಬ್ಬಮ್ಪಿ ಪಥವಿಂ ವಹೇ;

ಯತ್ಥ ಸಾಮಾ ಕಾಲಕತಾ [ಕಾಲಙ್ಕತಾ (ಕ.)], ಸಾ ಮಂ ಆರೋಗ್ಯಮಬ್ರವಿ.

೭೧. ನ ಚೇವ ಸಾ ಕಾಲಕತಾ, ನ ಚ ಸಾ ಅಞ್ಞಮಿಚ್ಛತಿ;

ಏಕಭತ್ತಿಕಿನೀ [ಏಕಭತ್ತಾ ಕಿರ (ಸೀ. ಸ್ಯಾ.), ಏಕಭತ್ತಕಿನೀ (ಪೀ.)] ಸಾಮಾ, ತಮೇವ ಅಭಿಕಙ್ಖತಿ.

೭೨. ಅಸನ್ಥುತಂ ಮಂ ಚಿರಸನ್ಥುತೇನ [ಅಸನ್ಧತಂ ಮಂ ಚಿರಸನ್ಧತೇನ (ಕ.)], ನಿಮೀನಿ ಸಾಮಾ ಅಧುವಂ ಧುವೇನ;

ಮಯಾಪಿ ಸಾಮಾ ನಿಮಿನೇಯ್ಯ ಅಞ್ಞಂ, ಇತೋ ಅಹಂ ದೂರತರಂ ಗಮಿಸ್ಸನ್ತಿ.

ಕಣವೇರಜಾತಕಂ ಅಟ್ಠಮಂ.