೨೬೭. ಕಕ್ಕಟಕಜಾತಕಂ (೩-೨-೭)

೪೯. ಸಿಙ್ಗೀಮಿಗೋ ಆಯತಚಕ್ಖುನೇತ್ತೋ, ಅಟ್ಠಿತ್ತಚೋ ವಾರಿಸಯೋ ಅಲೋಮೋ;

ತೇನಾಭಿಭೂತೋ ಕಪಣಂ ರುದಾಮಿ, ಮಾ ಹೇವ ಮಂ ಪಾಣಸಮಂ ಜಹೇಯ್ಯ [ಜಹೇಯ್ಯಾ (ಪೀ.) ಜಹಾ’ಯ್ಯೇ (?)].

೫೦. ಅಯ್ಯ ನ ತಂ ಜಹಿಸ್ಸಾಮಿ, ಕುಞ್ಜರಂ ಸಟ್ಠಿಹಾಯನಂ [ಕುಞ್ಜರ ಸಟ್ಠಿಹಾಯನ (ಸೀ. ಪೀ.)];

ಪಥಬ್ಯಾ ಚಾತುರನ್ತಾಯ, ಸುಪ್ಪಿಯೋ ಹೋಸಿ ಮೇ ತುವಂ.

೫೧. ಯೇ ಕುಳೀರಾ ಸಮುದ್ದಸ್ಮಿಂ, ಗಙ್ಗಾಯ ಯಮುನಾಯ [ನಮ್ಮದಾಯ (ಸೀ. ಪೀ.)] ಚ;

ತೇಸಂ ತ್ವಂ ವಾರಿಜೋ ಸೇಟ್ಠೋ, ಮುಞ್ಚ ರೋದನ್ತಿಯಾ ಪತಿನ್ತಿ.

ಕಕ್ಕಟಕ [ಕುಳೀರ (ಕ.)] ಜಾತಕಂ ಸತ್ತಮಂ.