೬-೭. ಅನ್ತೇವಾಸಿಕಸುತ್ತಾದಿವಣ್ಣನಾ

೧೫೧-೧೫೨. ಛಟ್ಠೇ ಅನನ್ತೇವಾಸಿಕನ್ತಿ ಅನ್ತೋ ವಸನಕಕಿಲೇಸವಿರಹಿತಂ. ಅನಾಚರಿಯಕನ್ತಿ ಆಚರಣಕಕಿಲೇಸವಿರಹಿತಂ. ಅನ್ತಸ್ಸ ವಸನ್ತೀತಿ ಅನ್ತೋ ಅಸ್ಸ ವಸನ್ತಿ. ತೇ ನಂ ಸಮುದಾಚರನ್ತೀತಿ ತೇ ಏತಂ ಅಧಿಭವನ್ತಿ ಅಜ್ಝೋತ್ಥರನ್ತಿ ಸಿಕ್ಖಾಪೇನ್ತಿ ವಾ. ‘‘ಏವಂ ವೇಜ್ಜಕಮ್ಮಂ ಕರೋಹಿ, ಏವಂ ದೂತಕಮ್ಮ’’ನ್ತಿ ಇತಿ ಸಿಕ್ಖಾಪನಸಙ್ಖಾತೇನ ಸಮುದಾಚರಣತ್ಥೇನಸ್ಸ ತೇ ಆಚರಿಯಾ ನಾಮ ಹೋನ್ತಿ, ತೇಹಿ ಆಚರಿಯೇಹಿ ಸಾಚರಿಯಕೋತಿ ವುಚ್ಚತಿ. ಸೇಸಮೇತ್ಥ ವುತ್ತನಯೇನೇವ ವೇದಿತಬ್ಬಂ. ಸತ್ತಮಂ ಹೇಟ್ಠಾ ಕಥಿತನಯಮೇವ.