೧. ಮಾರಸುತ್ತವಣ್ಣನಾ

೧೬೦. ರಾಧಸಂಯುತ್ತಸ್ಸ ಪಠಮೇ ಮಾರೋ ವಾ ಅಸ್ಸಾತಿ ಮರಣಂ ವಾ ಭವೇಯ್ಯ. ಮಾರೇತಾ ವಾತಿ ಮಾರೇತಬ್ಬೋ ವಾ. ಯೋ ವಾ ಪನ ಮೀಯತೀತಿ ಯೋ ವಾ ಪನ ಮರತಿ. ನಿಬ್ಬಿದತ್ಥನ್ತಿ ನಿಬ್ಬಿದಾಞಾಣತ್ಥಂ. ನಿಬ್ಬಾನತ್ಥಾತಿ ಫಲವಿಮುತ್ತಿ ನಾಮೇಸಾ ಅನುಪಾದಾನಿಬ್ಬಾನತ್ಥಾತಿ ಅತ್ಥೋ. ಅಚ್ಚಯಾಸೀತಿ ಅತಿಕ್ಕನ್ತೋಸಿ. ನಿಬ್ಬಾನೋಗಧನ್ತಿ ನಿಬ್ಬಾನೇ ಪತಿಟ್ಠಿತಂ. ಇದಂ ಮಗ್ಗಬ್ರಹ್ಮಚರಿಯಂ ನಾಮ ನಿಬ್ಬಾನಬ್ಭನ್ತರೇ ವುಸ್ಸತಿ, ನ ನಿಬ್ಬಾನಂ ಅತಿಕ್ಕಮಿತ್ವಾತಿ ಅತ್ಥೋ. ನಿಬ್ಬಾನಪರಿಯೋಸಾನನ್ತಿ ನಿಬ್ಬಾನಂ ಅಸ್ಸ ಪರಿಯೋಸಾನಂ, ನಿಪ್ಫತ್ತಿ ನಿಟ್ಠಾತಿ ಅತ್ಥೋ. ಪಠಮಂ.